រតនគិរី៖ អនុវត្តតាមការដឹកនាំបញ្ជាដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅរសៀលថ្ងៃទី១២ ខែវិច្ឆិកា ឆ្នាំ២០២៦នេះ លោកឧត្តមសេនីយ៍ទោ អ៊ុង សុភាព ស្នងការនៃស្នងការដ្ឋាននគរបាលខេត្តរតនគិរី ព្រមទាំងសហការី បានអញ្ជើញចុះត្រួតពិនិត្យជុំវិញទីតាំងត្រៀមប្រណាំងទូក ដែលនឹងប្រព្រឹត្តធ្វើនៅរមនីយដ្ឋានបឹងកន្សែង ក្នុងក្រុងបានលុង ខេត្តរតនគិរី ក្នុងនោះលោកស្នងការបានដឹកនាំកម្លាំងធ្វើការត្រួតពិនិត្យត្រៀមរៀបចំកម្លាំងសង្គ្រោះព្រមទាំងពិនិត្យទីតាំងឈរជើងរបស់កម្លាំងនគរបាលក្នុងការការពារសន្តិសុខ សណ្តាប់ធ្នាប់ និងសុវត្ថិភាពរបស់ថ្នាក់ដឹកនាំ ភ្ញៀវទេសចរណ៍ ប្រជាពលរដ្ឋ និងកីឡាករប្រណាំងទូក ក្នុងឱកាសពិធីប្រណាំងទូករៀបចំដោយរដ្ឋបាលខេត្តរតនគិរី ដែលនឹងប្រព្រឹត្តទៅនៅថ្ងៃទី១៤/១៥ ខែវិច្ឆិកា ឆ្នាំ២០២៦នេះ៕
