ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបងបង្ក្រាប ចុះប្រតិបត្តិការ បង្ក្រាបករណីលួចបានចំនួន ០២ នាក់ មកកាន់ស្នងការដ្ឋាន
ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបង ។
ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ លោកវរសេនីយ៍ទោ ភួង ចន្ទ័តារា ស្នងការរង ទទួលជំនួយដឹកនាំការិយាល័យនគរបាលព្រហ្មទណ្ឌកម្រិតស្រាល និងមានការសម្របសម្រួលទៅលេីនីតិវិធីពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង
នៅថ្ងៃទី ២៣ ខែ សីហា ឆ្នាំ ២០២២ វេលាម៉ោង ១៤:៤៨ នាទី នៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការរិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការ បង្ក្រាបករណី លួចមានស្ថានទម្ងន់ទោស ( ឆក់យកទូរស័ព្ទដៃ ) ០១ ករណី និងបានធ្វេីការនាំខ្លួនជនសង្ស័យ ចំនួន ០២ នាក់ មកកាន់ស្នងការដ្ឋាន ។
1️ឈ្មោះ រឿន ឯកលេនីន ភេទប្រុស អាយុ ២១ ឆ្នាំ មានទីលំនៅភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង ។ ( ជាអ្នកឌុប )
2️ឈ្មោះ រ៉េត ដារ៉ា ភេទប្រុស អាយុ ២៣ ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។ ( ជាអ្នកធ្វេីសកម្មភាពឆក់ )
កាលពីថ្ងៃទី ២២ ខែ សីហា ឆ្នាំ ២០២២ វេលាម៉ោង ១៥:៣០ នាទី នៅចំណុចភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ជនសង្ស័យទាំង ០២ នាក់ ខាងលើ បានធ្វេីសកម្មភាព ឆក់យកទូរស័ព្ទដៃ របស់ជនរងគ្រោះ ឈ្មោះ ម៉ម ស្រីណា ភេទស្រី អាយុ ២០ ឆ្នាំ មានទីលំនៅភូមិកកោះ ឃុំកកោះ ស្រុកមោងឬស្សី ខេត្តបាត់ដំបង នៅពេលដែលជនរងគ្រោះកំពុងជិះម៉ូតូនៅតាមដងផ្លូវ ។
វត្ថុតាងដកហូតរួមមាន ៖
- ម៉ូតូ ម៉ាក យ៉ាម៉ាហា ស៊េរីចាស់ ពណ៌ ខ្មៅ ពាក់ស្លាកលេខ បាត់ដំបង 1K-1668
- ទូរស័ព្ទដៃ ០១ គ្រឿង ម៉ាក VIVI Y21 ពណ៌ទឹកប៊ិច ( ជារបស់ជនរងគ្រោះ )
បច្ចុប្បន្នការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។
