ខេត្តស្វាយរៀង៖មានសេចក្តីរាយការណ៍ពីបណ្តាញយកព័ត៌មានក៍ដូចជាសក្ខីពីប្រជាសហគមន៍ពលរដ្ឋ ដែលរស់នៅក្នុងភូមិសង្គម ឃុំគគីសោមស្រុកស្វាយទាបខេត្តស្វាយរៀង បានឲ្យអង្គភាពសារព័ត៌មានយើងដឹងច្បាស់ៗថា ក្រុមឈ្មួញ តូច ធំ សម្រុកដឹកជញ្ជូនទំនិញគេចពន្ធ ផ្ទុកលេីសទម្ងន់ធ្វេីឲ្យរងផលប៉ះពាល់ ហេដ្ឋារចនាសម្ព័ន្ធ(ផ្លូវថ្នល់) ឆ្លងដែនទៅស្រុកយួន យ៉ាងធ្នង់ធ្ងរ ផ្តើមចេញពីមន្ត្រីអាជ្ញាធរមានសមត្ថកិច្ចពាក់ព័ន្ធនមួយចំនួនជាអ្នកមានសិទ្ធិអំណាចបេីកភ្លេីងខៀវ ទេីបក្រុមឈ្មួញ ហ៊ានធ្វេីអ្វីៗតាមអំពេីចិត្តដោយមិនគិតពីផលប្រយោជន៍ជាតិបន្តិចសោះឡើយ។
ពពួកឈ្មួញហ៊ានដឹកជញ្ជូនទំនិញ គេចពន្ធ័ជាច្រើនប្រភេទឆ្លងដែនទៅស្រុកយួន តាមរថយន្តវ៉េអង ធំៗ ឆ្ពោះឆ្លងដែនទៅស្រុកយួន បានយ៉ាងសុខស្រួលបំផុតនោះក៍ព្រោះតែ អាជ្ញាធរក្នុងមូលដ្ឋាន និងសមត្ថកិច្ចពាក់ព័ន្ធនៅព្រំដែនច្រកកំពោតទូកឃុបឃិរគ្នាជាប្រព័ន្ធបានជាមិនចាត់វិធានការទប់ស្កាត់ក្រុមឈ្មួញទាំងអស់នោះ។
គួរបញ្ជាក់ផងដែរក្រុមឈ្មួញតូចធំ ដឹកជញ្ជូនទំនិញគេចពន្ធ័ផ្សេងៗ គ្រប់ប្រភេទព្រមទាំងគ្រឿងអេនិចត្រនិចអេតចាយ ដឹកចេញពីស្រុកខ្មែរ មុនឆ្លងទៅស្រុកយួន គេយកមកស្ទុបទុក ចំណុចឃ្លាំងពីរកន្លែងជិតច្រកព្រំដែនក្នុងភូមិសង្គម ឃុំគគីសោម ស្រុកស្វាយទាបខេត្តស្វាយរៀង
-ហេតុនេះហើយទើប សមត្ថកិច្ចពាក់ព័ន្ធនៅច្រកកំពតទូកអាចប្រើអំណាច និងតួនាទី របស់ខ្លួនប្រមូលលុយក្នុងបរិបទនៃអំពើពុករលួយ បានយ៉ាងច្រើនសន្ធឹកសន្ធាប់ក្នុងមួយខែៗ ក្នុងករណីនេះប្រហែលជាអាចនឹងមានខ្នងបង្អែករឹងមាំនៅពីក្រោយវាំងនននៃជំនួញទំនិញគេចព័ន្ធខាងលើនេះហើយមើលទៅ។
-ប្រជាពលរដ្ឋ រស់នៅភូមិ
សង្គមឃុំគគីសោមស្រុកស្វាយទាប ស្នើសុំអំពាវនាវដល់ ថ្នាក់ដឹកនាំក្រសួងមហាផ្ទៃ ក៍ដូចជាឯកឧត្តម អភិបាលនៃគណៈអភិបាលខេត្តស្វាយរៀង លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង មេត្តាពិនិត្យករណីខាងលើនេះផងទាន។
-រាល់ការចេញផ្សាយរបស់អង្គភាពសារព័ត៌មានយើងមិនមានបំណងណាមួយធ្វើឱ្យប៉ះពាល់កិត្តិយស សេចក្តីថ្លៃថ្នររាល់បណ្តាសាមុីស្ថាប័នឬអាជ្ញាធរមូលដ្ឋានទាំងឡាយណានោះទេ គឺគ្រាន់តែផ្សព្វផ្សាយក្នុងន័យស្ថាបនា នៅចំណុចច្រកអសកម្មខាងលើ ដែលផ្ទៀងផ្ទាត់ពីប្រភពច្បាស់លាស់ តម្លាភាព សុក្រិដ្ឋ យុត្តិធម៍ ប្រកបដោយក្រមសីលធម៍វិជ្ជាជីវ:សារព័ត៌មាន ច្បាប់ស្តីពីរបបសារព័ត៌មាន ធម្មនុញ្ញវិជ្ជាជីវ:សារព័ត៌មានតែប៉ុណ្ណោះ។ សូមអរគុណ
