លោក សុខ សម្បត្តិ បានដឹកនាំកិច្ចប្រជុំគណៈបញ្ជាការឯកភាពរដ្ឋបាលខណ្ឌបឹងកេងកង ស្តីពីការពារសន្ដិសុខនិងសណ្ដាប់ធ្នាប់

(ភ្នំពេញ)៖ នាព្រឹកថ្ងៃសៅរ៍ ៨រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែសីហា ឆ្នាំ២០២២ រដ្ឋបាលខណ្ឌបឹងកេងកងបានរៀបចំកិច្ចប្រជុំគណៈបញ្ជាការឯកភាពរដ្ឋបាលខណ្ឌបឹងកេងកង ស្ដីពីការងារការពារសន្ដិសុខ សណ្ដាប់ធ្នាប់ ជូនប្រជាពលរដ្ឋនៅក្នុងមូលដ្ឋានខណ្ឌបឹងកេងកង ក្រោមអធិបតីភាពលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង ដោយមានការចូលរួមពីលោក-លោកស្រីអភិបាលរងខណ្ឌ, លោកនាយករដ្ឋបាលខណ្ឌ, លោកអធិការរងនគរបាលខណ្ឌ, លោកមេបញ្ជាការរងកងរាជអាវុធហត្ថខណ្ឌ, លោកប្រធានយោធាភូមិភាគពិសេសប្រចាំខណ្ឌ, លោកប្រធានផ្សារទាំង០២ លោក លោកស្រីប្រធានការិយាល័យអង្គភាពចំណុះរដ្ឋបាលខណ្ឌ លោកចៅសង្កាត់ទាំង០៧ លោកប្រធានសណ្ដាប់ធ្នាប់ខណ្ឌនិងមន្ត្រីពាក់ព័ន្ធ៕