សៀមរាប ៖ នារសៀលថ្ងៃអង្គារ ៥កេីត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២ ខែសីហា ឆ្នាំ២០២២ វេលាម៉ោង ១៤:០០នាទី លោកឧត្តមសេនីយ៍ត្រី តេង ច័ន្ទណាត ស្នងការនគរបាលខេត្តសៀមរាបបានអញ្ជេីញដឹកនាំកិច្ចប្រជុំផែនការងារព្រហ្មទណ្ឌដែលរៀបចំធ្វើនៅសាលប្រជុំនៃស្នងការដ្ឋាននគរបាលខេត្តសៀមរាប ដោយមានការអញ្ជេីញចូលរួមពីលោកស្នងការរងទទួលផែនព្រហ្មទណ្ឌ ស្នងការរងទទួលដឹកនាំការិយាល័យព្រហ្មទណ្ឌកម្រិតធ្ងន់ និងស្រាល នាយ នាយរងការិយាល័យ និងមន្ត្រីជំនាញពាក់ព័ន្ធ។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌបានបញ្ជាក់ថា : កិច្ចប្រជុំនេះ គឺតែងតែប្រព្រឹត្តទៅរៀងរាល់ខែ និងរៀងរាល់ឆមាស ដេីម្បីឆ្លុះបញ្ចាំងពីលទ្ធផលការងារជំនាញដែលបានអនុវត្ត និងត្រូវអនុវត្តបន្ត ។
ជាចុងក្រោយ លោកឧត្តមសេនីយ៍ត្រីស្នងការបានលេីកសរសេីរដល់កងកម្លាំងជំនាញព្រហ្មទណ្ឌដែលខិតខំប្រឹងប្រែងចូលរួមថែរក្សាសន្តិសុខ សណ្តាប់ធ្នាប់សាធារណៈ ក្នុងខេត្តសៀមរាប និងបានផ្តល់អនុសាសន៍មួយចំនួនដល់កងកម្លាំងព្រហ្មទណ្ឌយកទៅអនុវត្តបន្ត :
១. ពង្រឹងវិន័យកងកម្លាំង ០០៦ បន្ថែមទៀត ។
២. បន្តផ្សព្វផ្សាយ និងពង្រឹងការងារជំនាញព្រហ្មទណ្ឌ ។
៣. ពង្រឹង និងពង្រីកទំនាក់ទំនងសហប្រតិបត្តិការជាមួយការិយាល័យជំនាញ និងអង្គភាពពាក់ព័ន្ធ ។
៤. បង្កើនសាមគ្គីភាពផ្ទៃក្នុង ៕
