រដ្ឋមន្ត្រី ថោង ខុន៖ ចុងសប្ដាហ៍ទី៥ ខែកក្កដា កម្ពុជាទទួលបានភ្ញៀវទេសចរសរុប២២ម៉ឺននាក់

(ភ្នំពេញ)៖ បើតាមលោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា ចុងសប្តាហ៍ទី៥ ថ្ងៃទី៣០-៣១ ខែកក្កដា ឆ្នាំ២០២២ កម្ពុជាទទួលបានភ្ញៀវសរុបទូទាំងប្រទសសរុបមានចំនួន២២០,៩៣៧នាក់ ក្នុងនោះភ្ញៀវជាតិ ២០៤.៥៨៥នាក់ ភ្ញៀវបរទេសផ្ទៃក្នុង ១៦,៣៥២នាក់។

គោលដៅទេសចរណ៍សំខាន់ៗ រួមមាន៖
* ខេត្តកំពត ៣៤,៩៦៨នាក់
* ខេត្តព្រះសីហនុ ៣៣,៣៨៨ នាក់
* ខេត្តសៀមរាប ២៥,៧១៥នាក់
* ខេត្តបាត់ដំបង ២០,៥៥៤នាក់
* រាជធានីភ្នំពេញ ១៧,៩៧៥នាក់
* ខេត្តកែប ១៥,២៣៩នាក់
* ខេត្តកណ្តាល ៩,៦១៦នាក់
* ខេត្តកំពង់ស្ពឺ ៩,៣៤២នាក់
* ខេត្តពោធិ៍សាត់ ៨,៩១៣នាក់។

លោករដ្ឋមន្ត្រីបានបន្តថា តាមរយៈតួលេខខាងលើ មានការកើនឡើងប្រមាណ៣.៤៣% ធៀបនឹងសប្តាហ៍កន្លងមក ជាមួយអាកាសធាតុល្អប្រសើរ និងមានភ្លៀងធ្លាក់តិចជាងសប្តាហ៍កន្លងមុន។

ជាមួយការកំរើកឡើងវិញខ្លះៗនៃជំងឺកូវីដ-១៩ ក្រសួងទេសចរណ៍បានបន្តណែនាំ និងក្រើនរំលឹកដល់មន្ទីរទេសចរណ៍ ផ្នែកឯកជន និងប្រតិបត្តិករទេសចរណ៍ ឲ្យបន្តអនុវត្តវិធានការ «៣កុំ និង ៣ការពារ» វិធានសុវត្ថិភាពទេសចរណ៍ និង SOP៕