មេបញ្ជាការប៉េអឹមខេត្ត នាំយកទៀនព្រះវស្សា ប្រគេនព្រះសង្ឃ គង់នៅវត្តចំនួន ៤ ក្នុងស្រុករមាសហែក និងក្រុងស្វាយរៀង
ស្វាយរៀងៈ លោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថ ខេត្តស្វាយរៀង និងជាប្រធានក្រុមការងារចុះជួយឃុំត្រពាំងស្តៅ ស្រុករមាសហែក លោក ខាំ សុផារី ព្រះរាជអាជ្ញា នៃអយ្យការ អមសាលាដំបូងខេត្ត និងសហការី នាព្រឹកថ្ងៃពុធ ទី២០ ខែកក្កដា ឆ្នាំ២០២២ បានមូលមតិគ្នាជាឯកច្ឆ័ន្ទ នាំយកនូវទៀនព្រះវស្សា ទៅប្រគេនព្រះសង្ឃ គង់នៅវត្ត ចំនួន៤ វត្ត នៅក្នុងឃុំត្រពាំងស្តៅ ស្រុករមាសហែក ចំនួន ៣ វត្ត គឺវត្តឧត្តមសាមគ្គី វត្តស្វាយទន្ទឹម និងវត្តទួលសុក្រំ ដោយឡែក ១វត្តទៀត គឺវត្តប្រជុំអង្គ ស្ថិតក្នុងសង្កាត់សង្ឃ័រ ក្រុងស្វាយរៀង ។
