លោកនាយឧត្តមសេនីយ៍ សៅ សុខា អញ្ជើញជាអធិបតីក្នុងពិធីប្រជុំបូកសរុប វាយតម្លៃ ដកបទពិសោធន៍លទ្ធផល ស្តីពីការងារការពារសន្តិសុខកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ (ADMM-16)
ភ្នំពេញ៖ នៅបញ្ជាការដ្ឋានកងរាជអាវុធហត្ថលើផ្ទៃប្រទេស ព្រឹកថ្ងៃអង្គារ៍ ទី១៩ ខែកក្កដា ឆ្នាំ២០២២ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេសបានអញ្ជើញជាអធិបតីក្នុងពិធីប្រជុំបូកសរុប វាយតម្លៃ ដកបទពិសោធន៍លទ្ធផល ស្តីពីការងារការពារសន្តិសុខកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ (ADMM-16)។ អញ្ជើញចូលរួមពីសំណាក់ លោកឧត្តមសេនីយ៍មេបញ្ជាការរង លោកនាយសេនាធិការ សេនាធិការរង ស្នងការ ស្នងការរង នាយ នាយរងការិយាល័យ និងមន្ត្រី ក្រសួង ស្ថាប័ន អង្គភាព ដែលមានការពាក់ព័ន្ធជាច្រើនទៀតផងដែរ។
