នៅថ្ងៃព្រហស្បតិ៍១រោច ខែអាសាឍ ឆ្នាំខាលចត្វាស័ក ព.ស២៥៦៦ ត្រូវនឹងថ្ងៃទី១៤ ខែកក្កដា ឆ្នាំ២០២២នេះ
ឯកឧត្តម ហែម ពិសិដ្ឋ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត និងឯកឧត្តម ញឹក សុមេធ អនុរដ្ឋលេខាធិការ នៃក្រសួងរ៉ែនិងថាមពល បានអញ្ជើញជាអធិបតីក្នុងសិក្ខាសាលាផ្សព្វផ្សាយស្ដីពីបច្ចុប្បន្នភាពនៃវិស័យប្រេងកាតនៅកម្ពុជានាសាលប្រជុំសណ្ឋាគារវៃគោ ក្រុងស្វាយរៀង។
គោលបំណងនៃសិក្ខាសាលានេះផ្ដោតសំខាន់លើ៖
១.ផ្សព្វផ្សាយជូនសាធារណជនអំពីវឌ្ឍនភាព និងបច្ចុប្បន្នភាពនៃវិស័យប្រេងកាតនៅកម្ពុជា។
២.យុទ្ធសាស្ត្រក្នុងការគ្រប់គ្រងធនធានប្រេងកាតនៅកម្ពុជា។
៣.ការវិវត្តនៃការតាក់តែងលិខិតបទដ្ឋានគតិយុត្ត និង
៤.ការលើកកម្ពស់ក្នុងការចូលរួម និងផ្សព្វផ្សាយព័ត៌មានស្តីពីវិស័យប្រេងកាតនៅកម្ពុជា។
