លោកឧត្តមសេនីយ៍ទោ សិទ្ធិ ឡោះ ដឹកនាំកម្លាំងនគរបាលចូលរួមប្រជុំត្រួតពិនិត្យផែនការ ការពារសុវត្ថិភាព ជូនថ្នាក់ដឹកនាំក្នុងឱកាសសម្ភោធដាក់ឲ្យប្រើប្រាស់សមិទ្ធផលនានា នៅវត្តរតនសុខសាន្ត!
បន្ទាយមានជ័យ៖នៅរសៀលថ្ងៃទី០៦ ខែកក្កដា ឆ្នាំ២០២២ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានដឹកនាំកម្លាំងនគរបាលចូលរួមប្រជុំ ត្រួតពិនិត្យនិង ផ្សព្វផ្សាយផែនការ ការពារសន្តិសុខ សុវត្ថិភាព សណ្តាប់ធ្នាប់ ជូនឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការទ័ពជើងគោក តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងឱកាសដែលឯកឧត្តម អញ្ជើញជាអធិបតីភាព ក្នុងពិធីសម្ភោធដាក់ឲ្យប្រើប្រាស់សមិទ្ធផលនានា ក្នុងវត្តរតនសុខសាន្ត (វត្តអូរខៃដន) នៅសង្កាត់និមិត្ត ក្រុងប៉ោយប៉ែត នាព្រឹកថ្ងៃទី០៧ ខែកក្កដា ឆ្នាំ២០២២។
កិច្ចប្រជុំពិភាក្សានេះត្រូវបានធ្វើឡើងក្រោមអធិបតីភាពលោក ង៉ោ ម៉េងជ្រួន អភិបាលរងខេត្តបន្ទាយមានជ័យ លោក វ៉ាំង សុភា ជំនួយការនិងពិធីការ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការទ័ពជើងគោក ក្នុងនោះក៏មានការអញ្ជើញចូលរួម ពីលោក លោកស្រី មេបញ្ជាការយោធា មេបញ្ជាកងរាជអាវុធហត្ថ ប្រធានមន្ទីរ អង្គភាពពាក់ពន្ធ័ជុំវិញខេត្តជាច្រើនរូប៕
