លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ដឹកនាំកម្លាំងស្រាវជ្រាវ ចាប់ខ្លួនជនសង្ស័យពីរនាក់ ដើម្បីផ្តល់យុត្តិធម៌ ឲ្យជនរងគ្រោះបានស្លាប់នៅមន្ទីរពេទ្យករណីនេះមូលហេតុមកពីការឌឺដងដាក់គ្នា

លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ដឹកនាំកម្លាំងស្រាវជ្រាវ ចាប់ខ្លួនជនសង្ស័យពីរនាក់ ដើម្បីផ្តល់យុត្តិធម៌ ឲ្យជនរងគ្រោះបានស្លាប់នៅមន្ទីរពេទ្យករណីនេះមូលហេតុមកពីការឌឺដងដាក់គ្នា

បន្ទាយមានជ័យ៖ជនសង្ស័យចំនួន០២នាក់ កម្លាំងនគរបាលក្រុងប៉ោយប៉ែតឃាត់ខ្លួនបាននៅព្រឹកថ្ងៃព្រហស្បតិ៍ទី០៥ ខែកក្កដាឆ្នាំ២០២២ករណីនេះមូលហេតុមកពីការឌឺដងដាក់គ្នាពេលនេះត្រូវនគរបាលបញ្ជូនទៅតុលាការចាត់ការបន្តតាមច្បាប់។

ដោយការដឹកនាំនិងការដាក់ចេញនូវបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានដឹកនាំកម្លាំងបញ្ជាផ្ទាល់ចុះធ្វើការស្រាវជ្រាវឃាត់ខ្លួនជនសង្ស័យបានចំនួន ០២ នាក់។

លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឱ្យដឹងថា៖កាលពីថ្ងៃទី ២៣ ខែ មិថុនាឆ្នាំ ២០២២ នៅវេលាម៉ោង ០៨និង ៤០នាទីព្រឹកមាន ឈ្មោះជឹម នឿន ភេទប្រុស អាយុ៦២ឆ្នាំ រស់នៅភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលផ្សារកណ្តាលអំពីករណីមានជនសង្ស័យមួយក្រុមមានគ្នា០២នាក់មានឈ្មោះដូចខាងក្រោម៖
១-ឈ្មោះ លី ប៊ុនណារ័ត្ន ភេទប្រុស អាយុ២១ឆ្នាំ រស់នៅភូមិថ្មសិន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ២-ឈ្មោះ ឈូ ពៅ ភេទប្រុស អាយុ ២២ឆ្នាំ ទីលំនៅភូមិជាមួយគ្នា មុខរបរ កម្មកររោងចក្រ បានយកដុំថ្មទៅគប់លើកូនប្រុសរបស់គាត់បណ្តាលអោយរងរបួសធ្ងន់ នៅចំណុចមុខរោងចក្រអូនាង ស្ថិតក្នុងភូមិអូរឬស្សី សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ។

សមត្ថកិច្ចបានឲ្យដឹងថា៖អំពីរឿងហេតុ: នៅថ្ងៃទី១១ ខែមិថុនា ឆ្នាំ ២០២២នាវេលាម៉ោង២០នឹង០០នាទី កូនប្រុសរបស់គាត់ ឈ្មោះជឹម នុយ បានចេញពីផ្ទះពីរនាក់ពួកម៉ាករបស់គេទៅដើរលេង ។

លុះដល់ព្រឹកឡើងថ្ងៃទី ១២ ខែ មិថុនា ឆ្នាំ ២០២២នៅវេលាម៉ោង ០៦ និង ០០នាទីព្រឹកប្រពន្ធរបស់ឈ្មោះជឹម នឿន បានដើរមកបើកទ្វារផ្ទះហើយពេលនោះឃើញកូនប្រុសរបស់គាត់បែកក្បាលហើយគាត់បានសួរទៅកូនថាមានរឿងអីបានបែកក្បាលកូនរបស់គាត់បានឆ្លើយថាខ្ញុំអង្គុយលេងហូបអីនៅដីឡូតិ៍នៅរោងចក្រអូនាងត្រូវបានគេយកដុំថ្មគប់មកចំបែកក្បាលពេលកំពុងអង្គុយលេងហូបអីជាមួយពួកម៉ាក ។

សមត្ថកិច្ចបានឲ្យដឹងទៀតថា៖ពេលដល់ថ្ងៃទី ២០ខែមិថុនា ឆ្នាំ ២០២២នៅ វេលាម៉ោង ១៨និង ៣០នាទីល្ងាចកូនប្រុសរបស់គាត់ចាប់ផ្ដើមមានអាការ: ស្រែកថ្ងូរ រឹងថ្គាម និយាយមិនច្បាស់ ហើយបាននិយាយថាខ្ញុំពិបាកក្នុងខ្លួនណាស់មើលទៅខ្ញុំមិនរស់ទេ តែពេលនោះឪពុកម្ដាយមិនទាន់បានយកកូនគាត់មកពេទ្យទេ ហើយគាត់បានអោយកូនរបស់គាត់ដេកក្បែរប្រពន្ធរបស់គាត់ តែមួយយប់ទល់ភ្លឺកូនរបស់គាត់បានដេកស្រែកថ្ងូររហូត ពេលដល់ថ្ងៃទី២១ ខែមិថុនាឆ្នាំ ២០២២នៅវេលាម៉ោង ០៨និង ០០នាទីព្រឹកឪពុករបស់ជនរងគ្រោះឈ្មោះជឹម នុយ បានឲ្យម៉ូតូឌុបដឹកកូនប្រុសរបស់គាត់ទៅមន្ទីរពេទ្យបង្អែកដីថ្មី ។ ដោយសារស្ថានជម្ងឺធ្ងន់ធ្ងរពេក ក៏គេធ្វើការបញ្ជូនទៅមន្ទីរពេទ្យបង្អែកមង្គលបូរី បន្តនៅវេលាម៉ោង ២៣និង ០០ នាទីយប់។

លុះដល់ពេលព្រឹកឡើងនៅថ្ងៃទី ២២ខែមិថុនា ឆ្នាំ ២០២២នៅវេលាម៉ោង ០៧និង ៥០នាទីព្រឹកកូនប្រុសរបស់គាត់ឈ្មោះជឹម នុយ បានស្លាប់បាត់បង់ជីវិតបាត់ទៅ
.ហើយសាកសពកូនប្រុសរបស់គាត់បានសម្រេចចិត្តបូជានៅវត្តកោះកែវស្រុកមង្គលបូរីតែម្ដងទៅ។
.ក្រោយពេលធ្វើសកម្មភាពហើយជនសង្ស័យបានគេចខ្លួនបាត់ តែម្ដង ។

លុះដល់ថ្ងៃទី០៥ ខែកក្កដា ឆ្នាំ២០២២នៅវេលាម៉ោង០១និង៣០នាទី កម្លាំងប៉ុស្តិ៍នគរបាលរដ្ឋបាលផ្សារកណ្តាលដឹកនាំដោយ លោកវរសេនីយ៍ត្រី ប្រិម សុផល នាយប៉ុស្តិ៍រដ្ឋបាលផ្សារកណ្តាលដឹកនាំកម្លាំងចុះធ្វើការ ឃាត់ខ្លួនសង្ស័យទាំងពីរនាក់ខាងលើមកសួរនាំរួចនិងកសាងសំណុំរឿងតាមនីតិវិធី។.

ជនសង្ស័យទាំងពីរនាក់ បានសារភាពថា ពួកគេពិតជាបានយកដុំថ្មទៅគប់លើ ឈ្មោះ ជឹម នុយ ពិត មូលហេតុមកពីការឌឺដងដាក់គ្នា ជំនាញនៃអធិការដ្ឋាននគរបាលក្រុងប៉ោយប៉ែតស្នើរសុំឃាត់ខ្លួនដើម្បីកសាងសំណុំរឿងតាមនីតិវិធី ។

បច្ចុប្បន្នជនសង្ស័យទាំងពីរនាក់ ជំនាញនៃអធិការដ្ឋាននគរបាលក្រុងប៉ោយប៉ែតបានកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តបន្ទាយមានជ័យនៅថ្ងៃពុធទី ០៦ ខែកក្កដាឆ្នាំ ២០២២ចាត់ការបន្តតាមនីតិវិធីច្បាប់ផងដែរ។