(ភ្នំពេញ) ៖ នៅ ព្រឹកថ្ងៃ អង្គារ ០៧កើត ខែអាសាឍ ឆ្នាំ ខាល ចត្វាស័ក ព.ស ២៥៦៦ ត្រូវ នឹង ថ្ងៃ ទី ០៥ ខែ កក្កដា ឆ្នាំ២០២២ វេលា ម៉ោង ០៨:៣០នាទី លោក ម៉ុក ច័ន្ទ ករុណា អភិបាលរង នៃគណៈអភិបាលខណ្ឌដូនពេញ និងជាប្រធានក្រុមការងាររាជរដ្ឋាភិបាលចុះជួយសង្កាត់ផ្សារថ្មីទី៣ បានអញ្ជើញជាអធិបតីក្នុងពិធីប្រកាសសុពលភាពក្រុមប្រឹក្សាសង្កាត់ផ្សារថ្មីទី៣ អាណត្តិទី៥ នៃខណ្ឌដូនពេញ រាជធានីភ្នំពេញ ដោយពិធីប្រកាសនេះបានប្រារព្ធធ្វើឡើងនៅសាលប្រជុំ នៃវិទ្យាល័យព្រះសុីសុវត្ថិ ខណ្ឌដូនពេញ រាជធានីភ្នំពេញ។

ដោយមានការអញ្ជើញចូលរួមពី លោក អាន ទិត្យវណ្ណារ៉ា នាយករងរដ្ឋបាលខណ្ឌ, លោកស្រី ឈឹម វត្តី អនុប្រធានក្រុមការងារចុះជួយមូលដ្ឋានសង្កាត់ផ្សារថ្មីទី៣, លោក សឿង កុសល ចៅសង្កាត់ផ្សារថ្មីទី៣ ព្រមទាំង លោកនាយនគរបាលប៉ុស្តិ៍រដ្ឋបាលសង្កាត់ផ្សារថ្មីទី៣ និង មន្រ្តីខណ្ឌ-សង្កាត់ មេភូមិ ព្រមទាំងបងប្អូនប្រជាពលរដ្ឋក្នុងមូលដ្ឋានសង្កាត់ផ្សារថ្មីទី៣ សរុបចំនួន២០៧នាក់៕