​នៅក្នុង​ឱកាស​នោះ លោក​អភិបាលខេត្ត បានស្នើ​ឲ្យ​ក្រុមប្រឹក្សា​សង្កាត់ អាណត្តិ​ទី​៥ នេះ ក៏ដូចជា គណបក្សនយោបាយ​នានា និង​ប្រជាពលរដ្ឋ​ទាំងអស់ ត្រូវខិតខំ​រួមគ្នា លើកកម្ពស់​វប្បធម៌ នៃ​លទ្ធិប្រជាធិបតេយ្យ សេរី​ពហុបក្ស ដើម្បី​រស់នៅ និង​បំពេញ ការងារ ប្រកបដោយ​ភាពសុខដុមរមនា ក្នុងសង្គម​សម្រាប់​ជា​មូលដ្ឋាន ក្នុង​ការធានា ចីរភាព​ដំណើរការ លទ្ធិ​ប្រ​ធា​ធិបតេយ្យ សេរី​ពហុបក្ស ការបោះឆ្នោត និង​ការអភិវឌ្ឍ សង្គម ឲ្យ​កាន់តែ​មានការ រីកចម្រើន​បន្តទៀត​។​លោក​បាន​បន្តថាៈ ចំពោះ​អស់លោក​-​លោកស្រី ដែល​ទើប​ជាប់ឆ្នោត​ថ្មី និង​អស់ លោក លោកស្រី ដែល​បាន​ជាប់ឆ្នោត​ឡើងវិញ ជា​សមាជិក​ក្រុមប្រឹក្សា​សង្កាត់ ក្នុង​អាណត្តិ​ទី​៥ នេះ ពិតជា​មានការ​រីករាយ ប្រកបដោយ​មោទនភាព និង​កំពុង សម្រួច​ឆន្ទៈ ក្នុងការ​ចូលរួម​បញ្ចេញ សមត្ថភាព ប្រាជ្ញា ស្មារតី កម្លាំងកាយ​កម្លាំងចិត្ត ដើម្បី​បម្រើ​ផលប្រយោជន៍ របស់​ប្រជាពលរដ្ឋ ក្នុង​សង្កាត់​របស់ខ្លួន​។ ដូច្នេះ​សូម លោក​-​លោកស្រី ទាំងអស់ មេត្តា​យកចិត្តទុកដាក់​អនុវត្ត​ឲ្យ បាន​ត្រឹមត្រូវ តាម​គោលនយោបាយ​ច្បាប់ និង​លិខិតបទដ្ឋាន​គតិយុត្ត​នានា របស់​រាជ​រដ្ឋា​ភិ បាល បំពេញការងារ​ចំពោះមុខ​មួយចំនួន ឲ្យ​បាន​ម៉ត់ចត់ រួមទាំង​ការធានាបាន នូវ​សាមគ្គី ភាព​ផ្ទៃក្នុង និង​ការយោគយល់​គ្នា នៅក្នុង​ការបំពេញ​ការងា​រ​របស់ខ្លួន​។​​លោក​អភិបាលខេត្ត បាន​ថ្លែង​នូវ​ការ​អរគុណ ចំពោះ​ក្រុមប្រឹក្សា​អាណត្តិ​ចាស់ ពិត​ជាមាន​ឆន្ទៈ ប្រកបដោយ​ភាពសប្បាយ​រីករាយ ក្នុងការ​ផ្ទេរតំណែង ជូន​ក្រុម ប្រឹក្សា​សង្កាត់ អាណត្តិ​ទី​៥ តាមរយៈ​ការប្រគល់ ទទួល​ត្រា បញ្ជី សម្ភារៈ ប្រាក់កាស និង​ឯកសារ​នានា នៅក្នុង​ឱកាស​នេះ​៕