ខេត្តព្រះវិហារ ៖ បើតាមប្រភពពីប្រជាពលរដ្ឋលួចបង្ហើបឲ្យដឹងថា មេឈ្មួញល្បីដើរទិញឈើឈ្មោះ បៀង រស់នៅភូមិស្រែវាល ឃុំឆ្មា ស្រុកជ័យសែន ខេត្តព្រះវិហារ ដែលជាអ្នកទទួលគៀងគរពលរដ្ឋចូលព្រៃកាប់ ឈើ ក្នុងដែនជម្រកសត្វព្រៃយ៉ាងអនាធិប្បតេយ្យ យកមកឲ្យឈ្មោះសាក់ សិច មេឈ្មួញដ៏ល្បី ជាម្ចាស់ដេប៉ូឈើប្រចាំស្រុកជ័យសែន ដែលទទួលលុយរាប់ពាន់ រាប់ម៉ឺនដុល្លារ ពីស្ត្រីល្បីឈ្មោះជិន អូន ជាមេឈ្មួញដ៏ធំបានផ្តល់លុយ យ៉ាងសន្ធឹកសន្ធាប់ ដល់សាខាជាមេឈ្មួញប្រចាំស្រុកជ័យសែន និងស្រុករវៀងខេត្តព្រះវិហារ ដើម្បីជាមុខជំនួញអាជីព ។
លោក បៀង ជាអ្នកដើរប្រមូលគៀងគរពលរដ្ឋឲ្យឲ្យចូលព្រៃកាប់ឈើព្រៃសហគមន៍ព្រះរការ ជាពិសេសតំបន់ជម្រកដែនសត្វព្រៃព្រៃឡង់ ដែលជាប្រភពអំបូរទៅដោយធនធានធម្មជាតិព្រៃឈើស្រោងធំៗ ដែលជាជម្រកសត្វព្រៃហើយគ្រប់គ្រងដោយមន្ត្រីបរិស្ថានប្រជុំបួនខេត្ត គឺទី១.ខេត្តក្រចេះ ទី២.ខេត្តស្ទឹងត្រែង ទី៣.ខេត្តព្រះវិហារ និងទី៤.ខេត្តកំពង់ធំ បែរជាមិនអើពើក្នុងការទប់ស្កាត់បង្ក្រាបរាល់សកម្មភាពដឹកជញ្ជូនឈើល្មើសច្បាប់ទាំងនេះឡើយ ។ ចំណែកឈ្មោះ បៀង នេះទៀតសោត ជាអ្នកនាំឈើចេញពីគ្រប់ច្រកល្ហក ជាពិសេសដែនជម្រកដែនសត្វព្រៃព្រៃឡង់នេះតែម្តង ដើម្បីផ្តល់ទៅឲ្យម្ចាស់ជំនួយលុយគឺអ្នកស្រីជិនអូនចែកចាយបន្តក្នុងមុខរបរជំនួញឈើល្មើសច្បាប់ទាំងនេះ ។
បច្ចុប្បន្ន ព្រៃព្រះរការ និងព្រៃឡង់កំពុងតែរងការវិនាសអន្តរាយដោយសារក្រុមមេឈ្មួញឧក្រិដ្ឋជនបំផ្លាញព្រៃឈើជារៀងរាល់ថ្ងៃ គ្មានការទប់ស្កាត់ ឬបង្ក្រាបពីមន្ត្រីជំនាញនេះណាមួយឡើយ ។ ជាពិសេសលោក ស៊ុង ច័ន្ទសុជាតិ ប្រធានមន្ទីរបរិស្ថានខេត្តព្រះវិហារ លោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ «ប្រហែលជាបានទទួលលាបក្នុងការសូកប៉ាន់ពីសំណាក់មេឈ្មួញធំៗជាថ្នូរមិនបង្ក្រាប» ព្រោះឈ្មួញបានចំណាយលុយទិញទឹកចិត្តសមត្ថកិច្ចគ្រប់លំដាប់ថ្នាក់ក្នុងមូលដ្ឋាន ។ ព្រោះតែលុយធ្វើឲ្យបាត់បង់គិតិយស កិត្តនាម តួនាទីរបស់ខ្លួន ជាមន្ត្រីបម្រើរាស្ត្រជាមន្ត្រីជំនាញមានតួនាទី ភ្លេចតំណែងខ្លួនជាអ្វី ព្រោះតែលុយ ទើបមានអំណាចផ្តល់សិទ្ធិឲ្យឈ្មួញប្រព្រឹត្តិអំពើល្មើសច្បាប់កាប់ទន្ទ្រានដីព្រៃរបស់រដ្ឋ រួមនិងបើកដៃឲ្យមេឈ្មួញធ្វើសកម្មភាព កាប់ឈើ ដឹកជញ្ជូនឈើល្មើសច្បាប់យ៉ាងគគ្រឹកគ្រេងបែរជាធ្វើពុតជាដេកលក់។
ពិតណាស់ នេះជាការផ្គើននឹងច្បាប់រដ្ឋធម្មនុញ្ញរបស់កំពូលផ្គើននិងប្រសាសន៍របស់ប្រមុខរាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជាបិតាស្ថាបនិកជាតិ ជានាយករដ្ឋមន្ត្រីនៃកម្ពុជាយើង ៕
