ឃាត់ខ្លួនមនុស្ស ១៧នាក់ (ស្រី០៧នាក់) សង្ស័យថា ពាក់ព័ន្ធករណីប្រើប្រាស់ដោយខុសច្បាប់នៅសារធាតុញៀន”
ភ្នំពេញ ៖ នៅថ្ងៃទី០២ខែកក្កដាឆ្នាំ២០២២ លោកវរសេនីយ៍ទោ សោម សុថារ័ត្ន អធិការរង បានដឹកនាំកម្លាំងជំនាញនិងប៉ុស្តិ៍ បានចូលរួមសហការជាមួយកម្លាំងគណបញ្ជាការឯកភាពខណ្ឌជ្រោយចង្វារ ដឹកនាំដោយ លោក កៅ សារ៉ាវុធ អភិបាលរង បានចុះធ្វើរដ្ឋបាល នៅចំណុចវិហារឯករង្សី ស្ថិតនៅ ភូមិ១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដោយឃាត់ខ្លួនមនុស្សមានចំនួនសរុប ១៧នាក់(ស្រី០៧នាក់)សង្ស័យថាពាក់ព័ន្ធករណីគ្រឿងញៀន។
ជាលទ្ធផល ក្រោយពីការសាកសួរ និងធ្វើតេស្តរកសារធាតុញៀន គឺ មានមនុស្សចំនួន ០៦នាក់ (ស្រី០៥នាក់) គឺអវិជ្ជមាន និងពុំពាក់ព័ន្ធ ត្រូវបានអនុញ្ញាតិឲ្យវិលត្រឡប់ទៅវិញ ចំណែកឯ ១១នាក់ទៀត (ស្រី០២នាក់) កម្លាំងជំនាញកំពុងបន្តនីតិវិធី កសាងសំណុំរឿងបញ្ជូនទៅសាលាដំបូងរាជធានីភ្នំពេញ ៕
