លោក លឹម គានហោ បិទយុទ្ធនាការឃោសនាបោះឆ្នោតនៅស្រុកពញាឮ ខេត្តកណ្តាល ដោយសូមពលរដ្ឋបោះឆ្នោតជូនបក្សប្រជាជនកម្ពុជា ដើម្បីការអភិវឌ្ឍ និងជីវភាពកាន់តែប្រសើរ (Photo inside)

(កណ្តាល)៖ លោក លឹម គានហោ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានស្រុកពញាឮ ខេត្តកណ្តាល នៅព្រឹកថ្ងៃសុក្រ ទី០៣ ខែមិថុនា ឆ្នាំ២០២២នេះ បានដឹកនាំសមាជិក សមាជិកា យុវជន និងសកម្មជនគាំទ្រគណបក្សប្រជាជនកម្ពុជាប្រមាណ ១២០០០នាក់បិទយុទ្ធនាការឃោសនារកសំឡេងឆ្នោតនៅតាមមូលដ្ឋានស្រុកពញាឮ។

ពិធីបិទយុទ្ធនាការឃោសនារកសំឡេងក្នុងស្រុកពញាឮ ត្រូវបានធ្វើឡើងយ៉ាងកងរំពង ក្រោមសម្រែកនៃការគាំទ្រដ៏ខ្លាំងក្លាជាទីបំផុត។ បន្ទាប់ពីបានជួបជុំស្តាប់នូវការថ្លែងសារ និងការណែនាំនានារបស់លោក លឹម គានហោ ហើយនោះក្រុមការងារបក្សតាមឃុំក្នុងស្រុក ស្រែកនូវជយឃោស និងសារនយោបាយនានា ដើម្បីទាក់ទាញទឹកចិត្ត និងស្វែងរកការគាំទ្រពីប្រជាពលរដ្ឋជាម្ចាស់ឆ្នោត។

ពិលើវេទិកាបិទយុទ្ធនាការឃោសនារកសំឡេងឆ្នោតនាព្រឹកថ្ងៃទី០៣ ខែមិថុនា នេះ លោក លឹម គានហោ បានថ្លែងអំណរគុណដល់សមាជិក សមាជិកា កម្លាំងយុវជន និងសកម្មជនទាំងអស់នៅក្នុងស្រុក ដែលបានធ្វើសកម្មភាព ឃោសនា និងចុះជួបប្រជាពលរដ្ឋដោយផ្ទាល់នៅតាមខ្នងផ្ទះបង្រៀនពលរដ្ឋពីរបៀបគូសសន្លឹកឆ្នោត ព្រមទាំងបង្ហាញនូវគុណតម្លៃ ក៏ដូចជាកិច្ចប្រឹងប្រែងកសាងអភិវឌ្ឍន៍ជាតិ និងលើកកម្ពស់ជីវភាពរបស់ប្រជាពលរដ្ឋ ពីសំណាក់ថ្នាក់ដឹកនាំគណបក្សប្រជាជនកម្ពុជា ដឹកនាំដោយសម្តេចតេជោ ហ៊ុន សែន។

ក្នុងថ្ងៃបិទយុទ្ធនាការនេះ លោកក៏បានឆ្លៀតរំលឹកពីគុណតម្លៃរបស់គណបក្សប្រជាជនកម្ពុជា និងសមិទ្ធផលធំៗជាច្រើនកើតចេញពីការដឹកនាំរបស់រាជរដ្ឋាភិបាល និងមេឃុំ/ចៅសង្កាត់ មកពីគណបក្សប្រជាជនកម្ពុជា ក្នុងអាណត្តិកន្លងទៅ ក៏ដូចជាចាប់តាំងពីការរំដោះប្រទេសចេញពីរបបប្រល័យពូជសាសន៍ ប៉ុល ពត។

សកម្មភាពក្រុមការងារចុះមូលដ្ឋានទាំង១១ឃុំ ក្នុងស្រុកពញាឮ របស់គណបក្សប្រជាជនកម្ពុជា ក្នុងយុទ្ធនាការបិទការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ នាថ្ងៃចុងក្រោយនេះ មានសមាជិក សមាជិកាគណបក្សប្រជាជនកម្ពុជាចូលរួមសរុបប្រមាណ ១២០០០នាក់ ដឹកនាំដង្ហែរក្បួនតាមឃុំនីមួយៗរួមមាន៖

*ទី១៖ លោក ស៊ិន វុទ្ធី ប្រធានគណ:ពង្រឹងឃុំភ្នំបាត និងក្រុមការងារ
*ទី២៖ លោក ថាំង វីយុទ្ធដា ប្រធានគណ:ពង្រឹងឃុំភ្នំកោះចិន និងក្រុមការងារ
*ទី៣៖ លោក ចាន់ ស៊ីណាត ប្រធានគណ:ពង្រឹងឃុំវិហារលួង និងក្រុមការងារ
*ទី៤៖ លោក ប៉ុញ សច្ច: ប្រធានគណ:ពង្រឹងឃុំកំពង់លួង និងក្រុមការងារ
*ទី៥៖ លោក ចាន់ យុត្ថា ប្រធានគណ:ពង្រឹងឃុំកំពង់អុស និងក្រុមការងារ
*ទី៦៖ លោក ពេជ្រ វាសនា ប្រធានគណ:ពង្រឹងឃុំឈ្វាំង និងក្រុមការងារ រួមទាំងសមាជិក
*ទី៧៖ លោក ម៉ី លីហួត ប្រធានគណ:ពង្រឹងឃុំពញាឮ និងក្រុមការងារ
*ទី៨៖ លោក លឹម វីរក្ស ប្រធានគណ:ពង្រឹងឃុំផ្សារដែក និងក្រុមការងារ
*ទី៩៖ លោក ម៉ៅ ហាក់ ប្រធានគណ:ពង្រឹងឃុំជ្រៃលាស់ និងក្រុមការងារ
*ទី១០៖ លោក ហៀង ម៉េង ប្រធានគណ:ពង្រឹងឃុំទំនប់ធំ និងក្រុមការងារ
*ទី១១៖ លោក មុយ មុនិន្ទ ប្រធានគណ:ពង្រឹងឃុំព្រែកតាទែន និងក្រុមការងារ៕