ឯកឧត្ដម កែ គឹមយ៉ាន សមាជិកអចិន្ត្រៃយ៍កម្មាធិការគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តបន្ទាយមានជ័យ អញ្ជើញចូលរួម ដង្ហែរក្បួនបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅក្រុងប៉ោយប៉ែត
ក្រុងប៉ោយប៉ែត : នៅព្រឹក ថ្ងៃសុក្រ ៤ កើត ខែជេស្ឋ ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៣ ខែមិថុនា ឆ្នាំ២០២២ នេះ ឯកឧត្ដម កែ គឹមយ៉ាន សមាជិកអចិន្ត្រៃយ៍កម្មាធិការគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តបន្ទាយមានជ័យ រួមដំណើរ ឯកឧត្តម ជួន សុវណ្ណ ប្រធានគណៈបញ្ជាការយុទ្ធនាការបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៥ បានអញ្ជើញ ចូលរួម ដង្ហែរក្បួនបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅសង្កាត់ប៉ោយប៉ែត និងមានការចូលរួម ពីសំណាក់ ឯកឧត្តម ឡាយ គឹមលី សមាជិកយុវជនគណបក្សថ្នាក់កណ្តាល និងជាអនុប្រធានក្រុមការងារគណបក្សចុះមូលដ្ឋានក្រុងប៉ោយប៉ែត ទទួលបន្ទុកសង្កាត់ផ្សារកណ្តាល លោក គាត ហ៊ុល ប្រធានគណៈកម្មាធិកាគណបក្សប្រជាជនកម្ពុជាក្រុងប៉ោយប៉ែត ព្រមទាំងមានការ ចូលរួមយ៉ាងច្រើនកុះករ ពីសំណាក់ បងប្អូនប្រជាពលរដ្ឋ សមាជិក សមាជិកា គណបក្សប្រជាជនកម្ពុជា ក្រុងប៉ោយប៉ែត ទាំង៥សង្កាត់ ផងដែរ ។
សូមគោរពអញ្ជើញបងប្អូនប្រជាពលរដ្ឋចូលរួមបោះឆ្នោតជ្រើសរើសក្រុមប្រឹក្សាឃុំ-សង្កាត់អាណ ត្តិទី៥ ទាំងអស់គ្នាថ្ងៃអាទិត្យទី០៥ ខែមិថុនា ២០២២ និងសូមបោះឆ្នោតជូនគណបក្សប្រជាជនកម្ពុជា ដើម្បីបន្តថែរក្សាសន្តិភាព និងការអភិវឌ្ឍ ។ 
