ប្រសិនបើគេលួចថតសម្លេងមានទោសឬអត់?
បើតាមប្រភពក្រៅផ្លូវការពីអ្នកស្រីខុមកនដែលជាភរិយារបស់លោកថៃប៊ុនរិទ្ធចាងហ្វាងគេហទំព័រTCNTVបានលើកឡើងថាមានការបែកធ្លាយសារសម្លេងស្វាមីរបស់ខ្លួននេះសង្ស័យមានគេលួចថតនៅកន្លែងហូបចុកណាមួយ។រដ្ឋធម្មនុញ្ញដែលជាច្បាប់កំពូលនៃប្រទេស។មាត្រា៤០មិនត្រឹមតែការពារពលរដ្ឋកម្ពុជាគ្រប់រូបពីការលបថតសំឡេងនិយាយសន្ទនារបស់ពួកគាត់ប៉ុណ្ណោះទេ។ប៉ុន្តែថែមទាំងធានាការពារអាថ៌កំបាំងនៃការឆ្លើយឆ្លងតាមលិខិតតាមសារទូរលេខទូរពុម្ពទូរគមនាគមន៍របស់គាត់ទៀតផង។រីឯច្បាប់ស្ដីពីទូរគមនាគមន៍បញ្ជាក់យ៉ាងច្បាស់ថាទាំងអ្នកលបថតសំឡេងគេទាំងអ្នកយកសំឡេងលបថតនោះទៅផ្សព្វផ្សាយត្រូវមានទោសស្មើគ្នា។មាត្រា៩៧ចែងថា«ការលបស្តាប់ឬការលបថតការសន្ទនាដោយការប្រើប្រាស់ប្រព័ន្ធទូរគមនាគមន៍ដោយបុគ្គលដែលពុំមែនជាភាគីនៃការសន្ទនាត្រូវផ្ដន្ទាទោសដាក់ពន្ធនាគារពី១ខែទៅ១ឆ្នាំនិងទទួលពិន័យជាប្រាក់ពី១សែនរៀលទៅ ២លានរៀល។ បញ្ញត្តិកថាខណ្ឌទី១ខាងលើនេះមិនត្រូវយកមកអនុវត្តទេក្នុងករណីដែលការស្តាប់ឬការថតការសន្ទនានោះធ្វើឡើងដោយមានការយល់ព្រមពីបុគ្គលដែលមានការពាក់ព័ន្ធឬដោយមានការអនុញ្ញាតពីអាជ្ញាធរធម្មានុរូប»។ចំណែកអ្នកយកសំឡេងលបថតនោះទៅផ្សព្វផ្សាយក៏មានទោសជាប់ពន្ធនាគារដែរ។មាត្រា៩៧ នៃច្បាប់ស្ដីពីទូរគមនាគមន៍ដដែលចែងថា«ត្រូវផ្ដន្ទាទោសដូចគ្នាចំពោះការផ្សព្វផ្សាយខ្លឹមសារនៃការសន្ទនាដោយពុំបានទទួលសិទ្ធិស្របច្បាប់ពីភាគីនៃការសន្ទនាឬពីអាជ្ញាធរធម្មានុរូបឬពីបទដ្ឋានគតិយុត្តិជាធរមាន»។ជីវិតរស់នៅឯកជនរបស់បុគ្គលនឹងត្រូវបានរំលោភបំពានប្រសិនបើការសន្ទនាទាំងនោះត្រូវបានគេលួចស្ដាប់ឬថតចម្លងដោយមិនមានការអនុញ្ញាតជាមុនលើកលែងតែករណីដែលច្បាប់អនុញ្ញាត។ដើម្បីចៀសវាងនូវការរំលោភបំពានសិទ្ធិក្នុងការសន្ទនារបស់បុគ្គលឯកជន ក្រមព្រហ្មទណ្ឌនៃព្រះរាជាណាចក្រកម្ពុជា បានបញ្ញត្តិត្រង់មាត្រា៣០១ថា៖ «អំពើស្តាប់ ឬថតសំដីដែលនិយាយជាឯកជនឬជាការសម្ងាត់ដោយគ្មានការយល់ព្រមពីបុគ្គលដែលមានការពាក់ព័ន្ធនោះ ត្រូវផ្តន្ទាទោសដាក់ពន្ធនាគារពី ១ (មួយ)ខែ ទៅ ១ (មួយ)ឆ្នាំ និងពិន័យជាប្រាក់ពី១០០.០០០ (មួយសែន)រៀល ទៅ ២.០០០.០០០ (ពីរលាន)រៀល លើកលែងតែករណីដែលច្បាប់អនុញ្ញាត។ ត្រូវបានសន្មត់ជាការព្រមព្រៀង ប្រសិនបើបុគ្គលដែលពាក់ព័ន្ធនេះ បានទទួលដំណឹងអំពីការស្តាប់ ឬថតហើយ បុគ្គលនោះមិនបានជំទាស់ទេនោះ»។យោងតាមបទបញ្ញត្តិខាងលើ បើគ្មានការអនុញ្ញាតពីបុគ្គលពាក់ព័ន្ធ ឬច្បាប់ទេនោះ គ្មានជនណាម្នាក់អាចស្តាប់ ឬថតពាក្យសម្ដីឯកជន ឬការសម្ងាត់ទាំងនោះបានឡើយ។ ការលួចថតនេះទៀតសោតអាចធ្វើឡើងតាមរយៈការលួចបង្កប់ម៉ាស៊ីនថតសម្លេងនៅពេលសន្ទនាដោយផ្ទាល់ ឬលួចថតសម្លេងនៅពេលសន្ទនាតាមរយៈទូរស័ព្ទជាដើម។យ៉ាងណាមិញ មាត្រាខាងលើក៏បានបញ្ជាក់ផងដែរថា ទោះបីជាភាគីដែលពាក់ព័ន្ធមិនបាន បញ្ជាក់អំពីការអនុញ្ញាតឱ្យ ស្តាប់ ឬថតសម្ដីឯកជនក៏ដោយ ក៏ប៉ុន្ដែបើភាគីបានដឹងថា មានជនទីបីកំពុងស្ដាប់ ឬថតសម្លេង ដោយមិនបានជំទាស់ ឬហាមឃាត់ណាមួយនោះទេ សកម្មភាពនេះត្រូវបានចាត់ទុកថា ជាការព្រមព្រៀងឱ្យស្ដាប់ ឬថតសម្លេងនូវការសន្ទនានោះ។ជនទាំងឡាយណាដែលបាន ស្ដាប់ និងថតពាក្យសម្ដីឯកជនឬការសម្ងាត់ដោយគ្មានការអនុញ្ញាតត្រូវទទួលការផ្តន្ទាទោសតាមច្បាប់កំណត់ ដូចបានរៀបរាប់ខាងលើ។ទន្ទឹមនឹងនេះដើម្បីចៀសវាងនូវការរំលោភបំពានសិទ្ធិឯកជនរបស់ខ្លូន ប្រជាពលរដ្ឋគ្រប់រូបគួរតែមានការប្រុងប្រយ័ត្នមុនពេលជជែកពិភាក្សាអំពីការសម្ងាត់ផ្សេងៗនិងត្រូវបង្ហាញការជំទាស់ភ្លាមៗប្រសិនបើខ្លួនមិនចង់ឱ្យមានការលួចស្តាប់ឬថតពាក្យសម្ដីឯកជនណាមួយនោះទេ។សូមជម្រាបជូនថានៅល្ងាចថ្ងៃទី២៧ខែឧសភាឆ្នាំ២០២២លោកអាតចន្ទ័ដារាចៅក្រមស៊ើបសួរសាលាដំបូងខេត្តកណ្តាលបានសម្រេចចេញដីកាឃុំខ្លួនលោកថៃប៊ុនរិទ្ធចាងហ្វាងគេហទំព័រTCNTVដាក់ពន្ធនាគារបណ្តោះអាសន្នក្រោមការចោទប្រកាន់ពីបទ”ញុះញង់ដែលបង្កឲ្យមានភាពវឹកវរដល់សង្គមនិងបរិហារកេរ្តិជាសាធារណៈ“តាមមាត្រា៤៩៤ មាត្រា៤៩៥ និងមាត្រា៣០៥នៃក្រមព្រហ្មទណ្ឌ។ដែលប្រព្រឹត្តនៅអំឡុងខែកុម្ភៈឆ្នាំ២០២២ និងកាលពីថ្ងៃទី២៤ ខែឧសភាឆ្នាំ២០២២ ។លោក ថៃ ប៊ុនរិទ្ធ អាយុ៥១ឆ្នាំមុខរបរចាងហ្វាង គេហទំព័រ TCN TV មានទីលំនៅភូមិក្រពើហារកើត សង្កាត់ព្រែកឫស្សី ក្រុងតាខ្មៅ ខេត្តកណ្តាល ។
សមត្ថកិច្ចបានប្រាប់បណ្តាញព័ត៌មានក្នុងស្រុកថាពាក់ពន្ធ័និងការឃាត់ខ្លួននេះធ្វើឡើងដោយកម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកណ្តាលដឹកនាំបញ្ជារផ្ទាល់ពីលោកវរសេនីយ៍ឯក ឡាក់ ម៉េងធីស្នងការរងទទួលផែនព្រហ្មទណ្ឌ ។មូលហេតុមកពីឈ្មោះ ថៃ ប៊ុនរិទ្ធមុខរបរចាងហ្វាង គេហទំព័រ TCN TVបានជេរប្រមាថថ្នាក់ដឹកនាំខេត្តកណ្តាលនិងដើរសំឡុតគំរាបយកលុយពីថ្នាក់ដឹកនាំ ជាថ្នូរដាក់រូបភាពពីកន្លែងលួចលាក់បើកល្បែងស៊ីសងខុសច្បាប់៕ពុតសាម៉ាត់
លោកស្រីខុមកនដែលត្រូវភរិយាលោកថៃប៊ុនរិទ្ធចាងហ្វាងគេហទំព័រTCNTVសុំអង្វរឲ្យជួយស្វាមីគាត់ផងដើម្បីមកជួបមុខកូន។រូបភាពផ្តល់ជូនដោយលោកស្រីខុមកន
លោកថៃប៊ុនរិទ្ធនិងកូន។រូបភាពផ្តល់ជូនដោយលោកស្រីខុមកន
លោកថៃប៊ុនរិទ្ធ។រូបភាពសហការី
