លោក ម៉ុក ម៉ារ៉េត ថ្លែងអំណរគុណ ឧបនាយករដ្ឋមន្ត្រី ម៉ែន សំអន ដែលផ្ញើសារចូលរួមរំលែកទុក្ខ ចំពោះមរណភាពភរិយារបស់លោក

(ភ្នំពេញ)៖ លោក ម៉ុក ម៉ារ៉េត សមាជិករដ្ឋសភា នៅថ្ងៃទី០៩ ខែឧសភា ឆ្នាំ២០២២នេះ បានផ្ញើលិខិតថ្លែងអំណរគុណជូនលោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ដែលបានចូលរួមរំលែកទុក្ខចំពោះមរណភាពភរិយារបស់លោក គឺលោកស្រី ឈា ឡាង។

តាមរយៈលិខិតដែលបណ្ដាញព័ត៌មាន  ទទួលបាន លោក ម៉ុក ម៉ារ៉េត បានបញ្ជាក់ថា លោក និងក្រុមគ្រួសារ សូមសម្ដែងនូវកត្តញ្ញូតាធម៌ដ៏ខ្ពង់ខ្ពស់បំផុតជូនចំពោះ លោកស្រី ម៉ែន សំអន ដែលបានចូលរួមរំលែកទុក្ខក្នុងឱកាសដ៏ក្រៀមក្រំនៃពិធីបុណ្យសពរបស់ភរិយា ម្ដាយ ម្ដាយក្មេក និងជីដូន ស្របតាមប្រពៃណីព្រះពុទ្ធសាសនា។

លោកបន្ដថា សាររំលែកទុក្ខដ៏ខ្ពង់ខ្ពស់របស់លោកស្រីឧបនាយករដ្ឋមន្ត្រី គឺជាសក្ខីភាពបញ្ញាក់នូវទឹកចិត្តស្រលាញ់រាប់អានដ៏ជ្រាលជ្រៅបំផុតចំពោះលោក ព្រមទាំងក្រុមគ្រួសារទាំងអស់គ្នា ដែលធ្វើឲ្យយើងខ្ញុំមិនអាចបំភ្លេចបាននូវសមានចិត្តដ៏ប្រពៃ ខ្ពង់ខ្ពស់ ថ្លៃថ្លារបស់ សម្ដេចតេជោ ហ៊ុន សែន បានឡើយ។

សូមជម្រាបថា លោកស្រី ឈា ឡាង ត្រូវជាភរិយារបស់លោក ម៉ុក ម៉ារ៉េត បានទទួលមរណភាព កាលពីថ្ងៃសៅរ៍ ៧កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី៧ ខែឧសភា ឆ្នាំ២០២២ នៅប្រទេសបារាំង ក្នុងជន្មាយុ៧០ឆ្នាំ ដោយរោគាពាធ៕