បន្ទាយមានជ័យ៖ ដើម្បីធានាបានស្ថេរភាព សន្តិសុខ សណ្តាប់ធ្នាប់ និងសុវត្ថិភាពសង្គម ដោយមានការណែនាំ និងបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននរគរបាលខេត្តបន្ទាយមានជ័យ នៅថ្ងៃទី០៥ ខែមីនា ឆ្នាំ២០២៥នេះ កម្លាំងនគរបាលប៉ុស្តិ៍រដ្ឋបាលគ្រប់ឃុំ/សង្កាត់ បានសហការណ៍ជាមួយអាជ្ញាធរ បន្តចុះផ្សព្វផ្សាយអំពីគោលនយោយភូមិឃុំសង្កាត់មានសុវត្ថិភាពទាំង០៧យ៉ាង ដល់ប្រជាពលរដ្ឋតាមមូលដ្ឋាន ដើម្បីយល់ដឹងអំពីច្បាប់ និងរួមគ្នាទប់ស្កាត់បទល្មើសគ្រប់ប្រភេទឲ្យកាន់តែមានប្រសិទ្ធភាព។
នគរបាលយើងបានផ្សព្វផ្សាយច្បាប់ចរាចរណ៍ផ្លូវគោក, ផលប៉ះពាល់នៃគ្រឿងញៀន, បានក្រើនរំលឹកនិងជម្រុញដល់ប្រជាពលរដ្ឋដែលទើបគ្រប់អាយុ និងអ្នកហួសសុពលភាពប្រើប្រាស់ត្រូវទៅធ្វើអត្តសញ្ញាណប័ណ្ណសញ្ជាតិខ្មែរគំរូថ្មីឲ្យបានគ្រប់គ្នា។ បន្ថែមពីនេះកម្លាំងនគរបាលក៏បានចុះចែក អត្តសញ្ញាណប័ណ្ណ សៀវភៅគ្រួសារ សៀវភៅស្នាក់នៅ ដល់ពលរដ្ឋតាមខ្នងផ្ទះ និង ចុះសម្រួលចរាចរណ៍ជូនសិស្សតាមសាលារៀន ដើម្បីបញ្ជៀសការគ្រោះថ្នាក់ផងដែរ។
ឈរលើស្មារតីទទួលខុសត្រូវ លោកឧត្តមសេនិយ៍ទោ សិទ្ធិ ឡោះ ចាត់តាំងកម្លាំងគ្រប់អង្គភាពចំណុះ ប្រចាំការ២៤ម៉ោង ត្រៀមកម្លាំងប្រចាំការ យាមល្បាត មធ្យោបាយ សម្រាប់អន្តរាគមន៍បង្ក្រាបបទល្មើសគ្រប់ប្រភេទ និងក្មេងទំនើង ពិសេសពេលរាត្រី ពង្រឹងការត្រួតពិនិត្យអាវុធគ្រឿងផ្ទុះ ពង្រឹងការត្រួតពិនិត្យអ្នកបើកបរមានជាតិស្រវឹង(ជាតិអាល់កុល) ជាប្រចាំ សំដៅធ្វើយ៉ាងឲ្យភូមិសាស្ត្រខេត្តបន្ទាយមានជ័យទាំងមូល មានសន្តិសុខ សណ្តាប់ធ្នាប់ សុវត្ថិភាពល្អ៕
