(ភ្នំពេញ)៖ នាល្ងាចថ្ងៃអង្គារ ៦កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៤ ខែមីនា ឆ្នាំ២០២៥ វេលាម៉ោង ១៧:៣០នាទីនៅសាលាខណ្ឌដូនពេញ មានបើកកិច្ចប្រជុំគណៈបញ្ជាការឯកភាពរដ្ឋបាលខណ្ឌដូនពេញ ក្រោមអធិបតីភាព លោក ជា ខេមា អភិបាល នៃគណៈអភិបាលខណ្ឌដូនពេញ និងជាប្រធានគណៈបញ្ជាការឯកភាពរដ្ឋបាលខណ្ឌដូនពេញ និងមានការអញ្ជើញចូលរួមពីលោក លោកស្រីអភិបាលរងខណ្ឌ, លោកអធិការរងនគរបាលខណ្ឌ, លោកមេបញ្ជាការរងកងរាជអាវុធហត្ថខណ្ឌ, គណៈនាយករដ្ឋបាលខណ្ឌ, លោកប្រធានការិយាល័យទាំង១១, លោក-លោកស្រី ចៅសង្កាត់ទាំង១១, លោកនាយនគរបាលប៉ុស្តិ៍រដ្ឋបាលទាំង១១។
របៀបវារៈកិច្ចប្រជុំខាងលើមានចំនួន ០៣ ដូចខាង
ក្រោម៖
១-ពង្រឹងការងារសន្តិសុខ សណ្តាប់ធ្នាប់ របៀបរៀបរយសាធារណៈ និងអនាម័យ បរិស្ថានក្នុងមូលដ្ឋានខណ្ឌដូនពេញ
២-ពង្រឹងការងារចុះត្រួតពិនិត្យវត្តមានស្នាក់នៅជនបរទេសក្នុងមូលដ្ឋានខណ្ឌ
៣-ពង្រឹងការចុះត្រួតពិនិត្យនិងណែនាំក្លឹបកម្សាន្ត ខេធីវីកុំឲ្យមានការប្រេីប្រាស់គ្រឿងញៀន
៤-ការងារផ្សេងៗ។
