ឃាត់ខ្លួន៨នាក់មានអ្នកចែកចាយនិងប្រើប្រាស់គ្រឿងញៀននៅពេលដែលកម្លាំងនគរបាលចេញល្បាតប្រទះឃើញនៅក្រុងប៉ោយប៉ែត
បន្ទាយមានជ័យ៖ឃាត់ខ្លួន៨នាក់មានអ្នកចែកចាយនិងប្រើប្រាស់គ្រឿងញៀននៅពេលដែលកម្លាំងនគរបាលចេញល្បាតប្រទះឃើញត្រូវបានឃាត់បញ្ជូនទៅសាលាដំបូងខេត្តបន្ទយមានជ័យនៅថ្ងៃទី០៨ ខែកក្តដា ឆ្នាំ២០២៤។
លោកវរសេនីយ៍ទោ កែវ ដូល អធិការរងទទួលផ្នែកប្រឆាំងគ្រឿងញៀននគរបាលក្រុងប៉ោយប៉ែតបានប្រាប់ថា៖នៅពេលកម្លាំងអធិការដ្ឋានគរបាលក្រុងប៉ោយប៉ែត បានចេញល្បាតការពារសន្តិសុខនិងសណ្តាប់ធ្នាប់ប្រទះឃើញជនសង្ស័យដែលកំពុងប្រមូលផ្តុំគ្នាប្រើប្រាស់គ្រឿងញៀនត្រូវបានកម្លាំងឃាត់ខ្លួនជាបន្តបន្ទាប់បានចំនួន៨នាក់និងដកហូតវត្ថុតាងគ្រឿងញៀននិងសម្ភារៈប្រើប្រាស់នៅថ្ងៃទី០៧ ខែកក្តដា ឆ្នាំ២០២៤ក្នុងភូមិសាស្គ្រក្រុងប៉ោយប៉ែត។
លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានបញ្ជាក់ថា៖ក្រោយឃាត់ខ្លួនជនសង្ស័យចំនួន៨នាក់ត្រូវបានបញ្ជូនអធិការដ្ឋាននគរបាលក្រុងប៉ោយប៉ែត ហើយកម្លាំងជំនាញបានធ្វើតេស្តរកឃើញអ្នកដែលប្រើប្រាស់គ្រឿងញៀនចំនួន៨នាក់ក្រោយសាកសួរហើយត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីអនុវត្តន៍តាមច្បាប។
លោកបានបញ្ជាក់ថា៖ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដើម្បីលុបបំបាត់បទល្មើសគ្រឿងញៀនត្រូវបានកម្លាំងអធិការដ្ឋាននគរបាលក្រុងប៉ោយប៉ែត បានចេញល្បាតចេញទប់ស្កាត់បទល្មើសក្រុមបងតូចបងធំនិងបទល្មើសផ្សេងៗមិនអោយកើតមានក្នុងមូលដ្ឋាន៕
