អាវុធហត្ថរាជធានីភ្នំពេញ ចូលរួមអបអរសាទរខួបអនុស្សាវរីយ៍លើកទី៣១ ទិវាបង្កើតកងរាជអាវុធហត្ថ ១៤ កក្កដា ១៩៩៣~១៤ កក្កដា ២០២៤!
ដោយមានគំរូដឹកនាំព្រមទាំងការចង្អុលបង្ហាញរបស់ លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អាវុធហត្ថរាជធានីភ្នំពេញ ក្រោមការដឹកនាំរបស់ លោកឧត្តមសេនីយ៍ឯក រ័ត្ន ស៊្រាង ដែលត្រូវបានថ្នាក់ដឹកនាំផ្ទេរមុខតំណែង ពីមេបញ្ជាការ កងរាជអាវុធហត្ថខេត្ត បន្ទាយមានជ័យ ឲ្យមកកាន់តំណែងជាមេបញ្ជាការ កងរាជអាវុធហត្ថរាជធានីភ្នំពេញនៅថ្ងៃទី២៣ ខែកញ្ញា ឆ្នាំ២០១៣ រហូតមកដល់បច្ចុប្បន្ន បានអភិវឌ្ឍន៍គ្រប់ផ្នែកកាន់តែប្រសើរឡើង ទាំងហេដ្ឋារចនាសម្ព័ន្ធ មធ្យោបាយ សម្ភារៈប្រើប្រាស់ និងសមត្ថភាពជំនាញរបស់កងកម្លាំង ឆ្លើយតបទៅនឹងការអនុវត្តតួនាទីភារកិច្ច បង្ការ បង្ក្រាប និងសង្គ្រោះ កាន់តែមានប្រសិទ្ធិភាព ជាពិសេសការធ្វើទំនើបកម្មលើប្រព័ន្ធការងារ ប្រកបដោយស្តង់ដា៕
