មេបញ្ជាការ កងពលតូចថ្មេីរជេីងលេខ៥១ អញ្ជេីញអធិបតី ក្នុងពិធីបូកសរុបលទ្ធផលការងារយោធាសន្ត្តិសុខឆ្នាំ២០២១ និងផ្សព្វផ្សាយសកម្មភាពការងារយោធាសន្តិសុខឆ្នាំ២០២២!
ខេត្តបន្ទាយមានជ័យ៖នាថ្ងៃចន្ទ ១១រោច ខែផល្គុន
ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២៨ ខែមីនា ឆ្នាំ២០២២នេះ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មេីរជេីងលេខ៥១ បានអញ្ជេីញជាអធិបតី ក្នុងពិធីបូកសរុបលទ្ធផលការងារយោធាសន្ត្តិសុខឆ្នាំ២០២១ និងផ្សព្វផ្សាយសកម្មភាពការងារយោធាសន្តិសុខឆ្នាំ២០២២ អង្គភាពវរសេនាតូចថ្មេីរជេីងលេខ៥១៤ ដែលកំពុងឈរជេីងនៅភូមិថ្មដែកេកះ ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ។
ប្រធានទំនាក់ទំនងព្រំដែនកម្ពុជាថៃ ច្រកបឹងត្រកួន តំបន់ប្រតិបត្តិការសឹករងស្រុកថ្មពួក និងលោកមេបញ្ជាការវរសេនាតូចថ្មើរជើងលេខ ៥១១ ៥១២ ៥១៣ ៥១៤ និង កងអនុសេនាធំចំណុះវរ។
ជំនួសមុខឲ្យ ថ្នាក់ដឹកនាំ នាយ-ពលទាហានកងពលតូចថ្មើរជើងលេខ៥១ លោកឧត្តមសេនីយ៍ មានជំនឿយ៉ាងមុតមាំថា នាយ -ពលទាហានវរសេនាថ្មើរជើងលេខ៥១៤ ទាំងអស់ នឹងបន្តខិតខំបំពេញភារកិច្ចដែលថ្នាក់លើប្រគល់ជូនកាន់តែមានប្រសិទ្ធភាពខ្ពស់ ។
ឧត្តមសេនីយ៍មេបញ្ជាការ កងពលតូចថ្មើរជើងលេខ៥១ ក៏បានធ្វើការកោតសរសើរដល់កម្លាំងវរសេនាតូចថ្មើរជើងលេខ៥១៤ ដែលកន្លងមកបានប្រឹងប្រែងសម្រេចបានជោគជ័យគ្រប់ភារកិច្ចដែលថ្នាក់លើដាក់ជូន រួមមាន៖
ការចុះជួយសង្គ្រោះប្រជាពលរដ្ឋដែលជួបគ្រោះមហន្តរាយពីគ្រោះធម្មជាតិផ្សេងៗ រហូតមានការសរសើរមិនដាច់ពីមាត់ពីសំណាក់ប្រជាពលរដ្ឋរស់នៅក្នុងភូមិសាស្ត្រដែលខ្លួនទទួលខុសត្រូវ ។ដោយឈរលើផែនការការងារកសាងពង្រឹង
សម្រាប់ទិសដៅបន្តឆ្នាំ២០២២ បន្តធានាបាឲ្យនគ្រប់ភារកិច្ចដែលថ្នាក់លើប្រគល់ជូន ជាពិសេសលើការងារហ្វឹកហ្វឺន ប្រមូលផ្តុំគ្រប់គ្រងកម្លាំង ជំរុញការងារបង្កបង្កើនផល ចិញ្ចឹមសត្វ ធានាជីវភាពកងទ័ព មានផ្ទះបាយរួម មានម្ហូបអាហារហូបគ្រប់គ្រាន់ ត្រៀមកម្លាំងជាប់ជាប្រចាំតាមបទបញ្ជាចុះប្រតិបត្តិការជួយសង្រ្គោះប្រជាពលរដ្ឋ រងគ្រោះដោយធម្មជាតិ គ្រោះទឹកជំនន់ ខ្យល់កន្រ្តាក់ ជួយកសាង ជួសជុលផ្ទះ ជួយប្រមូលផលប្រជាពលរដ្ឋ ចូលរួមភូមិ ឃុំ មានសុវត្ថិភាព និងទប់ស្កាត់ពលករឆ្លងដែនខុសច្បាប់ ។ល។
លោកឧត្តមសេនីយ៍ត្រី សឹង្ហ ទុំ ក៏បានធ្វើការផ្តាំផ្ញើកងទ័ពក្នុង វរសេនាតូចថ្មើរជើងលេខ៥១៤ ឱ្យបង្កើនការផ្សព្វផ្សាយនិងអនុវត្តឲ្យបានជាដាច់ខាតនូវវិធានការរបស់ក្រសួងសុខាភិបាល ក៏ដូចជាវិធានការរបស់ សម្ដេចតេជោ ៣ការពារ ៣កុំ ដើម្បីចូលរួមទប់ស្កាត់ការរីករាលដាលនូវជំងឺកូវីដ-១៩ កុំឱ្យមានការឆ្លងរាលដាលចូលក្នុង ទីតាំងបន្ទាយ សហគមន៍ក៏ដូចជាភូមិសាស្រ្តដែលខ្លួនទទួលខុសត្រូវ។
ជាចុងបញ្ចប់លោកឧត្តមសេនីយ៍ ក៏បានអញ្ជើញប្រគល់ប័ណ្ណសរសើរ លិខិតសរសើរ រង្វាន់ ជូនដល់នាយ ពលទាហាន ដែលមានស្នាដៃឆ្នើមក្នុងការងារ១ឆ្នាំកន្លងទៅ និងប្រគល់អំណោយរបស់ក្រសួងការពារជាតិ ជូនដល់បណ្តាកងឯកភាព និងបានឧបត្ថម្ភថវិកាចំនួន ៣.០០០.០០០រៀលផងដែរ៕
