(ភ្នំពេញ)៖ ដោយមានសំណូមពរនិងយកចិត្តទុកដាក់ដោះស្រាយការលំបាកជូនប្រជាពលរដ្ឋ នាល្ងាចថ្ងៃចន្ទ ១០រោច ខែកក្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៩ ខែវិច្ឆិកា ឆ្នាំ២០២១ ក្រោមបញ្ជាផ្ទាល់ពីលោក សុខ ពេញវុធ អភិបាល នៃគណ:អភិបាលខណ្ឌដូនពេញ បានចាត់បញ្ជាឲ្យលោក កែម ហេង អនុប្រធានទី១ផ្នែកសណ្តាប់ ដឹកនាំកម្លាំងប្រជាការពារខណ្ឌដូនពេញ ចុះរុះនិងលើកគ្រែដែលម្ចាស់ផ្ទះបានដាក់នៅផ្លូវសាធារណ:ច្រកដឿងហែមជាប្រចាំ ២៤ម៉ោងលើ២៤ម៉ោង បានបង្កការលំបាកចង្អៀតពេលចេញចូលស្ថិតនៅក្នុងភូមិទី១១ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ៕
