មណ្ឌលគិរី ៖ ការធ្វើអត្តសញ្ញាណប័ណ្ណគំរូថ្មីដល់ប្រជាពលរដ្ឋក្នុងខេត្តមណ្ឌលគី រីបានរងនឹងឧបសគ្គខ្លះៗដោយ សារតែប្រជាពលរដ្ឋ ជនជាតិដើមភាគតិចមិនព្រមធ្វើ ដោយសារតែមិនចង់បង់តម្លៃ១ម៉ឺនរៀលធ្វើអត្តសញ្ញាណប័ណ្ណថ្មីនេះ។
ការមិនព្រមធ្វើអត្តសញ្ញាប័ណ្ណថ្មីដោយបញ្ហានេះហើយ គឺកំពុងក្លាយជាចំណោទប្រឈមមួយដែលកម្ពុជាកំពុង ជម្រុញការធ្វើ អត្តសញ្ញាប័ណ្ណថ្មីដល់ប្រជាពលរដ្ឋដែលគ្រប់អាយុបោះឆ្នោតឆ្នាំ២០១៧ និងឆ្នាំ២០១៨ ខាងមុខនេះ។
សេចក្តីរាយការណ៍ពីខេត្តមណ្ឌលគិរី បានអោយដឹងថា បន្ទាប់ពីបានផ្តល់អត្តសញ្ញាណប័ណ្ណគំរូថ្មីដល់ប្រជាពលរដ្ឋ ចំនួន៣២៤៩ នាក់កាលពីឆ្នាំ២០១៥រួចមក អធិការដ្ឋាននគរបាលស្រុកកែវសីមាខេត្តមណ្ឌលគីរីបានបន្តសកម្មភាព ធ្វើអត្តសញ្ញាណប័ណ្ណថ្មី ជូនប្រជាពលរដ្ឋក្នុងឆ្នាំ២០១៦ ខណៈប្រជាពលរដ្ឋដែលគ្រប់អាយុ១៥ឆ្នាំ ក៏មានការកើនឡើងផងដែរ។
អធិការរងទទួលបន្ទុកអត្តសញ្ញាណកម្មបានឲ្យដឹងថា កន្លងមកមន្ត្រីជំនាញបានចុះធ្វើអត្តសញ្ញាណប័ណ្ណ ជូនប្រជាពលរដ្ឋនៅ តាមមូលដ្ឋាន នឹងផ្តល់ជូនរួចម្តងហើយកាលពីឆ្នាំ២០១៥ក្នុងនោះចាប់ពីថ្ងៃទី១ មករា២០១៥រហូតដល់ថ្ងៃ១១កញ្ញា២០១៥ប្រជាពល រដ្ឋក្នុងឃុំចំនួន០៦ក្នុងស្រុកកែវសីមា បានទទូលអត្តសញ្ញាណប័ណ្ណ២០១២នាក់។ ហើយនៅថ្ងៃ២៩មិនានេះ អធិការដ្ឋាន នគរបាល ក៏បានផ្តល់អត្តសញ្ញាណប័ណ្ណដល់អជ្ញាធរចំនួន២៤៣៦នាក់ ដើម្បីយកទៅប្រគល់អោយប្រជាពលរដ្ឋដល់លំនៅដ្ឋានផងដែរ។
សូមជម្រាបថា កន្លងមកស្នងការដ្ឋាននគរបាលខេត្តមណ្ឌលគិរី បានប្រគល់អត្តសញ្ញាណប័ណ្ណជូនប្រជាពលរដ្ឋ សរុប ២៣ ៩២៣ នាក់ ស្រី ៦ ៩៩៥ នាក់។
ស្នងការនគរបាលខេត្តមណ្ឌលគិរីលោក តូច យ៉ុន បញ្ជាក់ថា មន្ត្រីរបស់លោកបានជួបប្រទះបញ្ហាប្រឈមនានា ដូចជា ការមិន យល់ពីតម្លៃរបស់អត្តសញ្ញាប័ណ្ណ(បងប្អូនជនជាតិភាគតិចខ្វះចំនេះដឹង) ភូមិសាស្ត្រផ្លូវតំបន់ព្រៃភ្នំពិបាកធ្វើដំណើរ (ត្រូវចុះធ្វើដល់ មូលដ្ឋាននាពេលកន្លងមក) ហើយពេលថ្មីៗនេះ ការធ្វើអត្តសញ្ញាណប័ណ្ណ តម្រូវឲ្យមានការបង់ប្រាក់មួយម៉ឺនរៀល។
ប្រជាពលរដ្ឋខ្វះ បញ្ជីអត្រានុកូដ្ឋាន ដូច្នេះហើយធ្វើឲ្យប្រជាពលរដ្ឋដែលជាជនជាតិភាគតិច មួយចំនួនគាត់គិតថា មិនចាំបាច់ធ្វើទេ ព្រោះគាត់រស់នៅជិតមួយជីវិតហើយ មិនដែលផង ចឹងមិនបាច់ធ្វើក៏មិនអីដែរ នាំតែអស់លុយ នឹងប្រជាពលរដ្ឋមួយចំនួន ខ្វះបញ្ជី អត្រានុកូលដ្ឋាន ។
កម្ពុជាកំពុងស្ថិត ក្នុងការជម្រុញការធ្វើអត្តសញ្ញាណកម្មថ្មីដែលគម្រោងនឹងត្រូវ បញ្ចប់អោយហើយនៅចុងឆ្នាំ២០១៦នេះ។ សេចក្តីរាយការណ៍បានអោយដឹងថា កន្លងមកបញ្ហាដែលកើតឡើងនៅក្នុងខេត្តមណ្ឌលគីរីធ្លាប់ត្រូវ បានលើកឡើងដើម្បីរកវិធីដោះស្រាយ ដោយសារប្រជាពលរដ្ឋជនជាតិភាគតិចបានស្នើអោយទម្លាក់ចោលការបង់ប្រាក់១ ម៉ឺនដែលជាអាករសម្រាប់បង់ជូនថវិការដ្ឋ ។
សេចក្តីរាយការណ៍ បានអោយដឹងថា បើសិនជាមានការ ទម្លាក់ការបង់ប្រាក់១ម៉ឺនរៀលចំពោះប្រជាពលរដ្ឋជន ជាតិភាគតិច នៅទីនោះ គឺនឹងនាំអោយមានចំណោទប៉ះពាល់ដល់កន្លែងខ្លះទៀតដែលមានសហគមន៍ ជនជាតិភាគតិច ៕
គឹម ចំរើន
