ភ្នំពេញ៖កងពលតូចអន្តរាគមន៍លេខ៩ កងនគរបាលជាតិ វរសេនាតូចការពារព្រំដែនលេខ៧៩៣ ឈរជេីងការពារនៅខ្សែក្រវ៉ាត់ព្រំដែនប្រចាំទិសប្រាសាទព្រះវិហារ និងកងពលតូចអន្តរាគមន៍លេខ១២៨ ឈរជេីងការពារនៅតំបន់អូរអាឡៃ ស្រុកសៀមប៉ាង ខេត្តស្ទឹងត្រែង ដែលជាអង្គភាពសម្ព័ន្ធមេត្រីភាពជាមួយរដ្ឋបាលរាជធានីភ្នំពេញ និងនាំយកអំណាយដ៏ថ្លៃថ្លាបំផុតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នាឱកាសបុណ្យភ្ជុំបិណ្ឌខាងមុខនេះ នៅបញ្ជាការដ្ឋានកងពលធំអន្តរាគមន៍លេខ៣ នៅថ្ងៃទី៧ ខែតុលា ឆ្នាំ២០២៦។
ឆ្លៀតក្នុងឱកាសនេះ ឯកឧត្តមអភិបាលរាជធានីភ្នំពេញ សូមកោតសរសេីរ និងថ្លែងអំណរគុណយ៉ាងជ្រាលជ្រៅ ចំពោះនាយទាហាន ពលទាហាន នាយនគរបាល ពលនគរបាល និងកងកម្លាំងប្រដាប់អាវុធគ្រប់ប្រភេទ ដែលជាកងទ័ពជួរមុខ និងគំរូវីរភាពដ៏អង់អាចក្លាហានក្នុងការបំពេញបេសកកម្មដ៏ឧត្តុង្គឧត្តម ដេីម្បីការពារបូរណភាពទឹកដី ដែនអធិបតេយ្យជាតិ ខ្សែបន្ទាត់ព្រំដែន និងការពារប្រទេសជាតិពីចោរឈ្លានពាន ទោះបីក្នុងកាលៈទេសៈណាក៏ដោយ។
ការចុះសួរសុខទុក្ខ និងផ្តល់អំណោយនេះ គឺជាការចូលរួមចំណែកមួយ ដេីម្បីបង្ហាញពីការរួមសុខទុក្ខ និងការផ្សារភ្ជាប់គ្នាយ៉ាងជិតស្និទ្ធ រវាងសមរភូមិក្រោយ ជាមួយសមរភូមិមុខ ក្នុងស្មារតីស្នេហាជាតិ “ខ្មែរតែមួយ” ជាពិសេសការយកចិត្តទុកដាក់ រួមទាំងការគិតគូរពីសុខទុក្ខ និងទំនុកបម្រុងដល់ក្រុមគ្រួសារវីរកងទ័ព និងវីរនគរបាលរបស់យេីង។
ខេត្តព្រះវិហារថ្ងៃទី០៧ ខែតុលា ឆ្នាំ២០២៦។
