ខេត្តមណ្ឌលគិរី ៖ នាព្រឹកថ្ងៃទី០៦ ខែ មករា ឆ្នាំ២០១៦វេលាម៉ោង ៩:៣០ នាទីព្រឹក កើតមានករណីគ្រោះថ្នាក់ចរាចរណ៏មួយបាន ដោយរថយន្តដឹកដំឡូងមីយីឌុបប្រាំផ្លូវពណ៏សពាក់ផ្លាកលេខ ៣A . ០៦៥៨ ព្រៃវែងបានក្រឡាប់ធ្លាក់ចេញផុតពីផ្លូវ ។
ហេតុការណ៍នេះ កើតឡើងនៅត្រង់ចំណុចចន្លោះបង្គោលគីឡូម៉ែត្រលេខ ៩៥ , ៩៦ស្ថិតនៅក្នុង ភូមិអណ្តូងក្រឡឹង ឃុំសែនមនោរម្យ ស្រុក អូរាំង ខេត្ត មណ្ឌលគិរី ដោយមិនបានបង្កគ្រោះថ្នាក់ និងប៉ះពាល់ដល់អ្នកដ៏ទៃនោះទេ។
មូលហេតុដែលបណ្តាលឲ្យគ្រោះថ្នាក់នេះ គឺបណ្តាលមកពីផ្លូវចុះចំណោតខ្លាំង ហើយរថយន្តច្រាលសាងលេខមិនចូលក្នុងកំរិតល្បឿនលឿនជ្រុល ក៏បណ្តាលអោយអ្នកបើកបរមិនអាចគ្រប់គ្រងដៃចង្កូតបានក្នុងស្ថានភាពនោះ ក៏រេចង្កូតទៅខាងស្តាំរហូតដល់ធ្លាក់ផ្លូវតែម្តង អ្នកបើកបរឈ្មោះ គង់ ហាត ភេតប្រុស អាយុ ៣៥ឆ្នាំរស់នៅ ភូមិក្របៅ ឃុំក្របៅ ស្រុកកំចាយមារ ខេត្តព្រៃវែង។ ចំណែកឯព្រូមានឈ្មោះ លី មិញ ភេទប្រុស អាយុ ២៤ឆ្នាំ ទីលំនៅភ្នំពេញ រងរបួសធ្ងន់បាក់ភ្លៅខាងស្តាំ និង គាបដៃខាងឆ្វេង អ្នកជំងឺត្រូវបានឡានសង្គ្រោះដឹកយកទៅព្យាបាលនៅមន្ទីពេទ្យបង្អែក ខេត្តមណ្ឌលគិរី ៕
ដោយ : គឹម ចំរើន
