ភ្នំពេញ៖ សមត្ថកិច្ចនគរបាលខណ្ឌឫស្សីកែវបាមឃាត់ខ្លួនជនសង្ស័យ២នាក់ករណីលួចម៉ូតូ កាលពីវេលាម៉ោង៥ទៀបភ្លឺថ្ងៃទី២១ខែសីហា ឆ្នាំ២០២២​ នៅចំណុចក្រុម១៣ ផ្លូវលំ ភូមិចុងខ្សាច់ សង្កាត់ទួលសងែ្ក១ ខណ្ឌឫស្សីកែវ ។

    លោក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា ជនរងគ្រោះទី១-ឈ្មោះប៉ែត ធារ៉ា ភេទស្រី​ អាយុ ២០ឆ្នាំ មុខរបរនិស្សិត ស្នាក់នៅបន្ទប់ជួល ក្រុម១៣ ផ្លូវលំ ភូមិចុងខ្សាច់ សង្កាត់ទួលសងែ្ក១ ខណ្ឌឫស្សីកែវ រាជធានីភ្នំពេញ ។

ជនរងគ្រោះទី២-ឈ្មោះ សន សិល ភេទប្រុស អាយុ២២ឆាំ្ន មុខរបរកម្មកររោងចក្រ សា្នក់នៅបន្ទប់ជួលក្នុងភូមិត្រពាំងថ្លឹង សងា្កត់ចោមចៅ ខណ្ឧពោធិ៍សែនជ័យ រាជធានីភ្នំេពញ ។

    ចំណែកជនសង្ស័យទី១-ឈ្មោះសរ វ៉ាន់ថា អាយុ៣៦ឆាំ្ន មុខរបរមិនពិតប្រាកដ ស្នាក់នៅផ្ទះលេខ១៥៩ ក្រុម១៤ ភូមិចុងខ្សាច់ សង្កាត់ទួលសងែ្ក១ ខណ្ឌឫស្សីកែវ (មានសារធាតុញៀន)អវិជ្ជមានកូវីដ-១៩។

ជនសង្ស័យទី២-ឈ្មោះសុខ រាជ អាយុ២៣ឆាំ្ន មុខរបរមិនពិតប្រាកដ សា្នក់នៅក្នុងក្រុម៥ ផ្លូវរថភើ្លង ភូមិទួលសងែ្ក សងា្កត់ទួលសងែ្ក១ ខណ្ឧឫស្សីកែវ (មានសារធាតុញៀន)។

     សម្ភារបាត់បង់រួមមាន៖ ម៉ូតូពីរគ្រឿង ០១គ្រឿងម៉ាកហុងដាឌ្រីម C125 ពណ៌ខ្មៅ ពាក់សា្លកលេខកំពង់ធំ1I-4976 និង០១គ្រឿងទៀតម៉ាកហុងដាឌ្រីម C125 ពណ៌ខ្មៅ ពាក់សា្លកលេខកំពង់ធំ1J-8009 ។                             

    លោកហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងទៀតថា កាលពីវេលាម៉ោង៥នាទីទៀបភ្លឺចូលថ្ងៃទី២១ ខែសីហា ឆ្នាំ២០២២ ជនរងគ្រោះបានក្រោកពីដំណេកចុះពីបន្ទប់ជួលមកខាងក្រោមស្រាប់តែបាត់ម៉ូតូចំនួន០២គ្រឿងរកពុំឃើញ។  បន្ទាប់មកជនរងគ្រោះបានមកដាក់ពាក្យបណ្តឹងនៅប៉ុស្តិ៍ទួលសង្កែទី១។ ក្រោយទទួលបណ្តឹង រួចមក កម្លាំងជំនាញខណ្ឌនិងប៉ុសិ៍្តបានធ្វើការស្រាវជ្រាវរហូតឃាត់ខ្លួនបានជនសង្ស័យចំនួន០២នាក់នៅម៉ោង៦ល្ងាចថ្ងៃដដែល ត្រង់ចំណុចផ្លូវលំ ក្រុម១៤ ភូមិចុងខ្សាច់ សង្កាត់ទួលសងែ្ក១ ខណ្ឌឫស្សីកែវ ។

    បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី ៕