លោក ឩត្តម សេនីយ៍ត្រីបោនប៊ិន មេបញ្ជាការកងរាជអាវុធហត្ថ ខេត្តបន្ទាយមានជ័យ បានបញ្ជូនកងកម្លាំង ឲ្យទៅជួយប្រមូលផលស្រូវជូនពុកម៉ែបងប្អូននៅក្នុងមូលដ្ឋាន
ក្រុងសិរីសោភ័ណ៖ដោយអនុវត្តន៍ប្រសាសន៍ណែនាំ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថ ខេត្តបន្ទាយមានជ័យ និងលោក ហ៊ឹល រ៉ាយ៉ា ប្រធានគណៈបញ្ជាការឯកភាពរដ្ឋបាលក្រុងសិរីសោភ័ណ នៅថ្ងៃទី១៨ ខែសីហា ឆ្នាំ២០២២ កម្លាំងមូលដ្ឋានកងរាជអាវុធហត្ថ ក្រុងសិរីសោភ័ណ ចំនួន១២នាក់ ដឹកនាំដោយលោកអនុសេនីយ៍ឯក ប៊ួ រិនណា មេបញ្ជាការរងអ.ហក្រុង បានចុះជួយច្រូតស្រូវ ជូនប្រជាពលរដ្ឋ ចំនួន៨ហិកតា ស្មើនិង៤គ្រួសារ ដែលលិចលង់ដោយជំនន់ទឹកភ្លៀង នៅចំណុចវាលស្រែស្ថិតក្នុងភូមិស្នាយដង្គត់ សង្កាត់កោះពងសត្វ ក្រុងសិរីសោភ័ណ ខេត្តបន្ទាយមានជ័យ។
