ខណ្ឌរដ្ឋបាលជលផលកំពង់ធំ សហការជាមួយមេបញ្ជាការរងកងរាជអាវុធហត្ថខេត្តកំពង់ធំ ចុះទប់ស្កាត់បង្រ្កាបបទល្មើសជលផលនៅចំណុចត្រពាំងបបុស្ស ស្ថិតនៅក្នុងភូមិពាមបាង ឃុំពាមបាង ស្រុកស្ទោង ខេត្តកំពង់ធំ
(កំពង់ធំ)÷នៅព្រឹកថ្ងៃទី១៤ ខែសីហា ឆ្នាំ២០២២
លោក ជិន ស៊ីថា ប្រធានខណ្ឌរដ្ឋបាលជលផលកំពង់ធំលោក គង់ សុភាព មេបញ្ជាការរងកងរាជអាវុធហត្ថខេត្តកំពង់ធំ សហការជាមួយកំលាំងគណៈបញ្ជាការឯកភាពខេត្ត ស្រុក ឃុំ អនុវត្តបទបញ្ជាទប់ស្កាត់ និងបង្ក្រាបបទល្មើសនេសាទបឹងទន្លេសាបខេត្តកំពង់ធំ ចុះបំពេញការងារទទួលបានលទ្ធផលដែលបងប្អូនប្រជានេសាទ បាននេសាទហួសដែនកំណត់ និងប្រើប្រាស់ឧបករណ៍នេសាទជាលក្ខណៈទ្រង់ទ្រាយធំ។ ក្នុងនោះក្រុមការងារប្រចាំការអនុវត្តបទបញ្ជាទប់ស្កាត់ និងបង្ក្រាបបទល្មើសនេសាទបឹងទន្លេសាបឈរជើងនៅឃុំពាមបាង ស្រុកស្ទោង ខេត្តកំពង់ធំ ។
លោក គង់ សុភាព មេបញ្ជាការរងកងរាជអាវុធហត្ថខេត្តកំពង់ធំ និងជាប្រធានក្រុមការងារទទួលខុសត្រូវក្នុងឃុំពាមបាង បានដឹកនាំកំលាំងចម្រុះចុះទប់ស្កាត់បង្រ្កាបបទល្មើសជលផលនៅចំណុចត្រពាំងបបុស្ស ស្ថិតនៅក្នុងភូមិពាមបាងឃុំពាមបាង ស្រុកស្ទោង ខេត្តកំពង់ធំ ។
លទ្ឋផលអនុវត្តបាន០១ករណីបានចុះរុះរើកាប់បំផ្លាញចោលឧបករណ៍នេសាទរបាំងសាច់ស្បៃមុងនៅនឹងកន្លែងរួមមាន÷ របាំងសាច់ស្បៃមុងចំនួន០២របាំងប្រវែង ៣៥០ម៉ែត្រ លូសាច់ស្បៃមុងចំនួន០៦មាត់ ឡុកសាច់អួនចំនួន០៤គ្រឿង បង្គោលឈើចំនួន៣០០ដើម ត្រីចាកប្រលែងចូលបឹងធម្មជាតិទម្ងន់ ២០គីឡូក្រាម។ក្រុមការងារ
គួរបញ្ជាក់ផងដែរថា សម្រាប់ក្រុមការងារប្រចាំការអនុវត្តបទបញ្ជាទប់ស្កាត់ និងបង្ក្រាបបទល្មើសនេសាទបឹងទន្លេសាប ឈរជើងនៅចំណុចឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ថ្ងៃនេះប្រចាំការនៅកន្លែង។
