ឧកញ៉ាបណ្ឌិត ម៉ុង ឬទ្ធី ចូលបន្ទប់សង្គ្រោះបន្ទាន់និងសន្លប់រយៈពេល៣ម៉ោង!
(ភ្នំពេញ)៖ លោកបណ្ឌិតឧកញ៉ា ម៉ុង ឬទ្ធី ដែលមហាជនតែងតែគោរពស្រលាញ់ថាៈ«ជាឧកញ៉ា ចិត្តធម៌នោះ»។
ស្រាប់តែមានជំងឺ និងចូលសង្គ្រោះបន្ទាន់ ដោយសន្លប់រហូតដល់ទៅ៣ម៉ោង ធ្វើឱ្យបងប្អូនប្រជាពលរដ្ឋមានការភ្ញាក់ផ្អើលជាខ្លាំង ប៉ុន្តែពេលនេះ លោកបានចេញពីមន្ទីរពេទ្យវិញហើយ!។
នេះបើយោងតាមផេកផ្លូវការរបស់លោកបណ្ឌិត ដែលបានបង្ហោះ រូបភាពក្នុងមន្ទីរពេទ្យ អមដោយសំណេរ នៅព្រឹកថ្ងៃទី១៣.០៨.២០២២យ៉ាងដូច្នេះថាៈ«ខ្ញុំសូមជូនដំណឹងដល់ប្រីយមិត្តយេីងមេត្តាជ្រាបថា ក្រោយពីបានចូលបន្ទប់សង្គ្រោះបន្ទាន់សន្លប់រយៈពេល៣ម៉ោង ដោយលោកវិជ្ជបណ្ឌិតលីមដាក់រុឺស័រចំនួន៣ចូលទៅក្នុងសរសៃឈាមបះដូងដោយជោគជ័យរួចរាល់ហេីយ ព្រឹកនេះវេលាម៉ោង១០លោកគ្រូពេទ្យនិងអនុញ្ញាតអោយចេញពីមន្ទីពេទ្យហេីយ»។
លោកបណ្ឌិតឧកញ៉ា ម៉ុង ឬទ្ធី មានឈ្មោះបោះសំឡេងថា៖ ជាឧកញ៉ា ចិត្តធម៌ ព្រោះក្រុមហ៊ុនរបស់លោករកស៊ីដោយសុចរិត ។
មិនរំលោភបំពានអ្នកដទៃ និងមិនរំលោភច្បាប់ មិនធ្វើឱ្យអ្នកក្រយំស្រែក ដោយសារការវិនិយោគរបស់លោកឡើយ៕ដើមរាំង
