ខេត្តរតនគីរី ៖ លោកមេបញ្ជាការកងរាជអាវុធហត្ថខេត្តរតនគរី ដឹកនាំកម្លាំងចុះជួយជម្លៀសប្រជាពលរដ្ឋ ទៅទីទួលសុវត្ថភាព គ្រាដែលផ្ទះសម្បែងពួកគាត់ រស់នៅតាមដងទន្លេ ក្នុងខេត្តរតនគិរី ត្រូវបានជនលិច បន្ទាប់ពីភ្លៀងធ្លាក់ទាំងយប់ទាំងថ្ងៃ ជាងមួយសប្ដាហ៍។

នៅថ្ងៃទី១១.ខែសីហា ឆ្នាំ២០២.នេះ លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្តខេត្ត បានដឹកនាំកម្លាំងក្រោមឱវាទចុះ ជូយអន្តរាគមន៍ សម្រួលដល់បងប្អូនប្រជាពលរដ្ឋ ដែលរងគ្រោះ ដោយសារទឹកជំនន់លិច លំនៅឋាន និងជួយដឹកជញ្ជូនសម្ភារ: ទ្រព្យសម្បត្តិ ក៏ដូចជាសត្វចិញ្ចឹមរបស់ពួកគាត់ ទៅរកទីទួលសុវត្ថភាព។
គ្រាដែល លោកឧត្តមសេនីយ៍ត្រី ថាវ យ៉េន កំពង់មមាញឹកក្នុងការដឹកជញ្ជូន ទ្រព្យសម្បត្តិ រមទាំងប្រជាពលរដ្ឋផងនោះ លោកក៏បានដាក់បញ្ជាដល់កងកម្លាំងអាវុធហត្តទាំងអស់ ត្រូវយកចិត្តទុកដាក់ខ្ពស់ ក្នុងការចុះជួយសង្គ្រោះបងប្អូនប្រជាពលរដ្ឋ អោយបានទាន់ពេលវេលា មិនត្រូវបណ្ដែតបណ្ដោយអោយពលរដ្ឋមានគ្រោះថ្នាក់ដោយសារទឹកជំនន់នេះឡើយ ត្រូវតែទ្រាម ២៤ម៉ោង លើ ២៤ម៉ោង ជាប់ជាវប្រចាំ ព្រមទាំងទ្រាមសម្ភារ:សង្គ្រោះ ដូចជាទូកការណូត ប្រេង អោយបានគ្រប់គ្រាន់ ទ្រាម បង្ការគ្រប់គោលដៅ ដែលកំពង់រងផលប៉ះពាល់ដោយសារជំនន់ទឹកភ្លៀងនាពេលនេះ។

លោកឧត្តមសេនីយ៍ត្រី ថាវ យ៉េន ក៏បាន
ណែនាំដល់បងប្អូនប្រជាពលរដ្ឋ អោយមានការប្រុងប្រយ័ត្នខ្ពស់ចំពោះសុវត្តិភាព
ផ្ទាល់ខ្លួន និងថែរក្សាទ្រព្យសម្បត្តិអោយបានល្អ ជាពិសេស គឺកូនចៅតូចៗ ត្រូវតែ
ប្រុងប្រយ័ត្នអោយបានខ្ពស់ ព្រោះទឹកកំពង់ឡើងខ្លាំង អាចនឹងមានហានិភ័យចំពោះពួកគាត់ ម្យ៉ាងវិញទៀត ក៏ត្រូវប្រុងប្រយ័ត្ន ចំពោះសត្វអាសេរពឹស ព្រមទាំងសុខភាពរបស់ពួកគាត់ផងដែរ។
គួរបញ្ជាក់ថា នៅខេត្តរតនគិរី ថ្ងៃទី១១ ខែសីហា ឆ្នាំ២០២២ នេះ មានភ្លៀងធ្លាក់២៤ម៉ោង ទាំង ៩ក្រុង. ស្រុក។ ចំណែកកំពស់ទឹកទន្លេស្រែពក ស្រុកលំផាត់ ឡើងដល់ ១២.៦០ ក្នុងកំរិតកំពស់ទឹកប្រកាសអាសន្ត ១២.៥០។ ចំណែកទន្លេសេសាន្ត វើនសៃវិញ កំពស់ទឹក ៥.៣២ ក្នុងកំរិតប្រកាសអាសន្ត ៨.៥០ ។ ដូច្នេះ ទន្លេស្រែពក ស្រុកលំផាត់ និងស្រុកកូនមុំ ជន់លិចបណ្ដើរៗហើយ ចំណែកទន្លេសេសាន្ត ពុំទាន់ជនលិចទេ។