បាក់រលំណង់ភូមិគ្រិះសង្កត់លើកម្មករស្លា-ប់.ម្នាក់ និងរបួសធ្ងន់ម្នាក់ ត្រូវបានយកទៅសង្គ្រោះបន្ទាន់នៅឯមន្ទីពេទ្យ

ភ្នំពេញ ៖សង្ស័យសាងសង់ខុសបច្ចេកទេស ទើបបណ្តាលឲ្យកម្មករសំណង់ម្នាក់បានស្លា-ប់ និងម្នាក់ទៀតរងរបួស ក្នុងហេតុការណ៍បាក់ប្លង់សេសង្កត់លើកម្មករសំណង់ ក្រោយពីចាក់បេតុងហើយ កំពុងតែវីឲ្យស្មើ កាលពីវេលាម៉ោង៩និង៣០នាទីព្រឹកថ្ងៃទី១០ ខែសីហា ឆ្នាំ២០២២ ស្ថិតនៅក្នុងដីឡូត៍មួយកន្លែង មានរបងព័ទ្ធជុំជិត តាមផ្លូវលំ ក្នុងភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។

តាមប្រភពពីកម្មករ បានឲ្យដឹងថា មុនកើតហេតុ សំណង់អគារខាងលើ ចាក់ប្លង់សេផ្នែកខាងមុខ ជន្ទល់ដែក បេតុងប្លង់សេបានចាក់រួចរាល់ហើយ កម្មករម្នាក់បានចុះមកក្រោយ នៅតែម្នាក់ បន្តវីបេតុង ពង្រាបឲ្យស្មើ កំពុងតែវីសុីម៉ង់ត៍នៅលើប្លង់សេទើបចាក់រួច ស្រាប់តែបាក់ធ្លាក់ សង្កត់ស្លាប់ម្នាក់ របួសធ្ងន់ម្នាក់ បន្ទាប់ពីកើតហេតុភ្លាមៗ រថយន្តសង្គ្រោះបានដឹកជនរងគ្រោះម្នាក់ ទៅមន្ទីរពេទ្យ  នៅសល់តែសពជនរងគ្រោះម្នាក់ កប់ក្រោមគំនរដែក និងបេតុង  ។

ក្រោយកើតហេតសពជនរងគ្រោះ ដែលកប់និងគំនបេតុង ត្រូវបានរើរកាយយកចេញ រហូតដល់ថ្ងៃរសៀល មោង១២និង៣០នាទី ទើបធ្លាយរឿង បង្កឲ្យភ្ញាក់ផ្អើល សមត្ថកិច្ចចុះទៅពិនិត្យទីតាំង និងធ្វើកោសល្យវិច័យរួចរាល់ សពជនរងគ្រោះត្រូវបានដឹកយកទៅតំកល់ទុកនៅវត្តក្រាំងធ្នង់ ដើម្បីស្វែងរកក្រុមគ្រួសារសាច់ញាតិ ឲ្យមកទទួលយកទៅធ្វើបុណ្យតាមប្រពៃណី ៕