លោក ឧត្ដមសេនីយ៍ត្រី វង្ស វិត ស្នងការរងផែនការងារធនធានមនុស្សដឹកនាំកម្លាំងនាំយកថវិកាសមាគមមិត្តនគរបាលជាតិប្រគល់ជូនដល់គ្រួសារសពលោកស្រី អនុសេនីយ៍ឯក ញ៉ែម អឿនបានទទួលមរណភាពនៅស្រុកភ្នំស្រុក!
ខេត្តបន្ទាយមានជ័យ៖នៅរសៀលថ្ងៃអង្គារ ១២កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០៩ ខែសីហា ឆ្នាំ២០២២នេះនៅវេលាម៉ោង១៦និង០០នាទី លោក ឧត្ដមសេនីយ៍ត្រី វង្ស វិត ស្នងការរងផែនការងារធនធានមនុស្ស តំណាងលោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត និងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិ បានប្រគល់ថវិកាសមាគមមិត្តនគរបាលជាតិកម្ពុជា ចំនួន ៦.០០០.០០០រៀល(ប្រាំមួយលានរៀលគត់) និងថវិកាចូលរួម របស់កម្លាំងអធិការដ្ឋាននគរបាលស្រុកភ្នំស្រុក ចំនួន ១,០០០,០០០៛(មួយលានរៀលគត់) សរុបទឹកប្រាក់ ចំនួន ៧,០០០,០០០រៀល(ប្រាំពីរលានរៀលគត់) ជូនដល់គ្រួសារសពលោកស្រី អនុសេនីយ៍ឯក ញ៉ែម អឿន អត្តលេខ៤៤៣៧៤ មន្ត្រី នៃអធិការដ្ឋាននគរបាលស្រុកភ្នំស្រុក ដែលបានទទួលមរណភាពកាលពីថ្ងៃទី ០៨ខែ សីហា ឆ្នាំ២០២២ វេលាម៉ោង១៩និង២០នាទី ដោយរោគាពាធ ស្ថិតនៅក្នុងភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ៕
