ឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចតេជោចុះចែកអំណោយជូនបងប្អូនប្រជាពលរដ្ឋនឹងសំណេះសំណាលខ្លីដោយសារមេឃកំពុងភ្លៀងខ្លាំងនៅតំបន់អភិវឌ្ឍន៍បឹងជង្រុកតេជោឈ្នះឈ្នះស្រុកម៉ាឡៃ!
ខេត្តបន្ទាយមានជ័យ៖នៅថ្ងៃអាទិត្យ ១ កើត ខែពិសាខ ឆ្នាំខាលចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី១ ខែឧសភា ឆ្នាំ២០២២នេះក្រោមវត្តមាន ឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចតេជោ នឹង ឯកឧត្តម អ៊ុំ រាត្រី អភិបាលខេត្ត លោក លី សារី លោកយ៉ាង គឹម ហ៊ុយ និងលោកគង់ បញ្ញារិទ្ធិព្រមទាំងអស់លោកមន្ត្រីកាកបាទក្រហមខេត្ត មន្ត្រីអាជ្ញាធរកងកំលាំងនិងក្រុមយុវជនស្រលាញ់សន្តិភាព បានសស្រាក់សស្រាំក្នុងខណៈមេឃកំពុងភ្លៀងខ្លាំងសំរួលដល់ការសំណេះសំណាលខ្លីប្រកបដោយភាពស្និតស្នាលរបស់មន្ត្រីគ្រប់លំដាប់ថ្នាក់ជាមួយប្រជាពលរដ្ឋដែលរងគ្រោះនៅតំបន់បឹងជង្រុកក៏ដូចពលរដ្ឋភូមិឃុំផ្សេងទៀតនៅក្នុងស្រុកម៉ាឡៃផងដែរ។
ដោយមនោសញ្ចេតនារបស់ក្រុមយុវជនស្រលាញ់សន្តិភាពជាមួយអ្នកស្រុកយើងរងគ្រោះ ឯកឧត្តម ប៉ាន់ខែម ប៊ុនថន នាយកប្រតិបត្តិសម្ពនយុវជនស្រលាញ់សន្តិភាពបានបន្ថែមជួយថវិការដល់ក្រុមឡានគោយន្តលើការចំណាយដឹកជញ្ជូនអ្នកស្រុករងគ្រោះពីក្រៅតំបន់អភិវឌ្ឍន៍បឹងជង្រុកតេជោឈ្នះឈ្នះដោយក្នុងគោយន្ត១គ្រឿង៥០០០០រៀល រួមទាំងថវិកា១០០០០០រៀលគ្រប់ក្រុមគ្រួសារសំរាប់បាយទឹកក្នុងពេលទទួលអំណោយនេះផងដែរ។
អ្នកស្រុកសូមអរគុណដល់កាកបាទក្រហម មន្ត្រីតូចធំ កងកំលាំង យុវជន ទាំងអស់ក្នុងការងារសង្គមសង្គ្រោះបន្ទាន់ដល់អ្នកស្រុកយើងជួបលំបាកគ្រោះធម្មជាតិ ហើយជាពិសេស អរគុណ ឯកឧត្តម ប៉ាន់ខែម ប៊ុនថន ដឹកនាំនិងអនុវត្តផ្ទាល់ ជាមួយយុវជនយើង កើបថ្មមិចកំពុងភ្លៀងដើម្បីក្រាលក្នុងទីតាំងចែកអំណោយសំរួលកុំអោយបែកភក់ល្បាប់។
