កម្លាំងកងរាជអាវុធហាត់ក្រុងបានលុងបានឃាត់រថយន្តដឹកឈើគ្មានច្បាប់មួយគ្រឿង
ក្រុងបានលុង ៖ នៅវេលាម៉ោង ០៨:៥០នាទី ថ្ងៃទី ២៦ ខែ មេសា ឆ្នាំ ២០២២ កម្លាំងមូលដ្ឋានក្រុងបានលុង ចំនួន ០២នាក់ សហការជាមួយកម្លាំងចម្រុះគណៈបញ្ជាការឯកភាពក្រុងបានលុង ដឹកនាំដោយលោក ពុត ដានី អភិបាលរងក្រុងបានលុង បានធ្វេីសកម្មភាពល្បាត ជុំវិញបរិវេណក្រុង បានប្រទះឃេីញរថយន្ត ០១ គ្រឿង ភ្លាមនោះកម្លាំងចម្រុះ មានការសង្ស័យ ក៏បានឃាត់រថយន្តនោះត្រួតពិនិត្យ នៅចំណុចភូមិ ថ្មដា សង្កាត់ បឹងកន្សែង ក្រុងបានលុង ខេត្តរតនគិរី ។ លទ្ធផល៖ ក្នុងរថយន្តមានផ្ទុក ឈេីប្រភេទលេខ ១ (សុក្រម និង គគីរ) និងបានឃាត់ខ្លួនអ្នកបើកបរចំនួន ០១ នាក់ ឈ្មោះ អុីម ធិន ភេទ ប្រុស អាយុ ២៩ឆ្នាំ រស់នៅ ភូមិ ថ្មដា សង្កាត់ បឹងកន្សែង ក្រុងបានលុង ខេត្តរតនគិរី និងបានចាប់យកវត្ថុតាងរួមមាន៖ រថយន្តស៊ាំយ៉ុង ចំនួន ០១គ្រឿង និងឈើប្រភេទលេខ ១ ចំនួន ២១ ដុំ (សុក្រម និង គគីរ) ស្មើនឹង ៣,៩៧៧ ម៉ែត្រគូប ។
បច្ចុប្បន្ន ៖ វត្ថុតាងនិងជនសង្ស័យខាងលើបានប្រគល់ជូនខណ្ឌរដ្ឋបាលព្រៃឈើរតនគិរី ដើម្បីអនុវត្តតាមនីតិវិធី ៕
ដោយលោក ភន់ វ៉ាន់ថន (បញ្ញាវន្តខ្មែរ)
