ស្ត្រី២នាក់របួសធ្ងន់ និងម្នាក់១បួសស្រាល ពេលបើកម៉ូតូជិះគ្នា៣នាក់
ក្នុងល្បឿនលឿនទៅបុកនិង ត្រាក់ទ័របទឆ្វេង ជាន់ហ្រ្វាំងមិនទាន់
(ខេត្តបន្ទាយមានជ័យ)ម៉ូតូ១គ្រឿងជិះគ្នា៣នាក់ក្នុងល្បឿនលឿនស្រាប់តែទៅបុកនិង ត្រាក់ទ័របទឆ្វេង ជាន់ហ្រ្វាំងមិនទាន់ បណ្តាលឲ្យស្ត្រី២នាក់រងរបួសធ្ងន់ និងម្នាក់របួសស្រាល។រឿងរាវនេះកើតឡើងនៅវេលាម៉ោង ១រសៀល ថ្ងៃទី២១ ខែមេសា ឆ្នាំ ២០២២នៅ លើកំណាត់ផ្លូវជាតិលេខ56 ត្រង់ចំណុចមុខស្ថានីយ៍ប្រេង ឈ្មោះឆឿប ស្ថិតនៅភូមិកសិណ ឃុំថ្មពួក ស្រុកថ្មពួក ខេត្តបន្ទាយមានជ័យ ។
ប្រភពពីនគរបាលចរាចរណ៍ស្រុកថ្មពួកបានប្រាប់អ្នកយកព័ត៍មានឲ្យដឹងថា អ្នករបួសទាំង៣មាន១/ឈ្មោះ ហ៊ាន វិច្ឆិកា ភេទស្រី អាយុ១៣ឆ្នាំ រស់នៅ ភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ ជាអ្នកបើកម៉ូតូនិងអ្នករួមដំណើរ២នាក់១/ឈ្មោះ ហុីន ស្រីណាម ភេទស្រី អាយុ១៤ ឆ្នាំ រស់នៅ ភូមិព្រៃវែង ឃុំគំរូ ស្រុកថ្មពួកខេត្ត ២/ឈ្មោះ អេស ស្រីធីង ភេទស្រីអាយុ ១៥ឆ្នាំ រស់នៅភូមិកណ្ដោលឃុំគោករមៀតស្រុកថ្មពួក។
នគរបាលចរាចរណ៍ស្រុកថ្មពួកដដែលបានប្រាប់បន្តឲ្យដឹងទៀតថាមុនពេលកើតហេតុនោះ មានត្រាក់ទ័រ១គ្រឿង បើកដោយឈ្មោះចាន់ ចង ភេទប្រុស អាយុ៤៣ឆ្នាំរស់នៅភូមិថ្មពួក ឃុំ ថ្មពួក ស្រុក ថ្មពួកខេត្តបន្ទាយមានជ័យ ពីជើងទៅត្បួង ស្របពេលមាន ម៉ូតូ១គ្រឿងជិះគ្នា៣ នាក់បើកក្នុងល្បឿនលឿនផ្ទុយគ្នាពីត្បួងទៅជើងបើកមកដល់កន្លែងកើតហេតុស្រាប់តែត្រាក់ទ័រធ្វើការបទឆ្វេងមិនបានមើលឆ្វេង ស្តាំជាន់ហ្រ្វាំងមិនទាន់បណ្តាលឲ្យម៉ូតូបុកត្រាក់ទ័រពេញទំហឹងមនុស្សស្រីដែលជិះម៉ូតូនោះរបួសធ្ងន់២នាក់ និងស្រាល១នាក់។
នគរបាលចរាចរណ៍ស្រុកថ្មពួកបានប្រាប់បន្តឲ្យដឹងទៀតថា ក្នុងករណីគ្រោះថ្នាក់នេះបណ្តាលមកពីត្រាក់ទ័របត់ឆ្វេងមិនបានមើលឆ្វេងស្រាំចំណែក ម៉ូតូបើកក្នុងល្បឿនលឿនពេក។
អ្នករងរបួសទាំង៣ត្រូវបាននគរបាលចរាចរណ៍ដឹកទៅមន្ទីរពេទ្យដើម្បីសង្គ្រោះបន្ទាន់៕
បច្ចុប្បន្ន ម៉ូតូនិងត្រាក់ទ័រខាងលើត្រូវបាននគរបាលស្រុកថ្មពួកកំពុងធ្វើការវាស់វែងធ្វើកំណត់ហេតុដើម្បីយកមករក្សាទុករងចាំគូភាគីទាំងសងខាងមកធ្វើការដោះស្រាយគ្នានៅពេលក្រោយ។
