ឯកឧត្តម ញ៉ែម សំអឿន អភិបាលខេត្តរតនគិរី អញ្ជើញបួងសួងវត្ថុស័ក្តិសិទ្ធមុនពិធីបុណ្យចូលឆ្នាំថ្មី ដើម្បីសុំសេចក្តីសុខសេចក្ដីចម្រើនជូនដល់ប្រជាពលរដ្ឋ
ខេត្តរតនគិរី: នាព្រឹកថ្ងៃទី១៣ ខែមេសា ឆ្នាំ២០២២ ឯកឧត្តម ញ៉ែម សំអឿន អភិបាលខេត្តរតនគិរី បានរៀបចំពិធីបួងសួងដល់វត្ថុស័ក្តិសិទ្ធនៅទីតាំងចំនួន០៣កន្លែងគឺ ស្តូបគោរពបូជាលោកតាបឹងកន្សែងរឺ(ហៅថាលោកតាជួង) ព្រះពុទ្ធរូបព្រះអង្គបរិនិពាន្តនៅលើកំពូលភ្នំឥសីបតមៈ និងនៅស្តូបគោរពបូជាលោកតាបឹងយក្ខលោម។
ជាមួយគ្នានេះ ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងឯកឧត្តម ញ៉ែម សំអឿន អភិបាលខេត្ត រតនគិរី និងលោកជំទាវ ព្រមទាំងមន្ត្រីអ្នកមុខអ្នកការដែលបានអញ្ជើញចូលរួមបានលំអោនកាយវាចារចិត្តគោរព បួងសួងបារមីលោកតាបឹងកន្សែង លោកតាបឹងយក្ខលោមនិងវត្ថុស័ក្តិសិទ្ធិទាំងឡាយលើលោក សូមជួយបីបាច់ថែរក្សានិងសុំសេចក្តីសុខសេចក្ដីចម្រេីនកើតមានដល់ប្រជាពលរដ្ឋ មន្ត្រីរាជការគ្រប់ជាន់ថ្នាក់ នៃរដ្ឋបាលខេត្ត និងភ្ញៀវទេសចរជាតិ-អន្តរជាតិ ជាពិសេសសុំអោយព្រឹត្តិការណ៍សង្ក្រាន្តឆ្នាំថ្មី នៅខេត្តរតនគិរីរយៈពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិខាងមុខនេះប្រព្រឹត្តិទៅដោយភាពជោគជ័យ សេរីមង្គលដ៏បវរ ប្រកបតាមសេចក្តីប៉ងប្រាថ្នា នៃប្រជាពលរដ្ឋខ្មែរ ទាំងអស់ផងដែរ៕
