បិទការប្រកួតកីឡាសិស្សបឋមសិក្សាជ្រើសរើសជើងឯកថ្នាក់ខេត្ត!
ខេត្តបន្ទាយមានជ័យ៖មន្ទីរអប់រំ យុវជននិងកីឡាខេត្តបន្ទាយមានជ័យនាទីលានបាល់ទាត់នាវិទ្យាល័យឪ នៅល្ងាចថ្ងៃទី០៨ខែមេសាឆ្នាំ២០២២ បានប្រារព្ធបិទការប្រកួតកីឡាសិស្សបឋមសិក្សាជ្រើសរើសជើងឯកថ្នាក់ខេត្តបន្ទាយមានជ័យឆ្នាំ២០២២ ។
ការប្រកួតកីឡានេះធ្វើឡើង៣ថ្ងៃពីថ្ងៃទី០៦-០៨ខែមេសាឆ្នាំ២០២២ នៅ៤ទីលាន ។ ហើយសមាសភាពភាគច្រើនជាកីឡាការិនី គឺនៅទីលាន ១.ក្នុងបរិវេណមន្ទីរអប់រំ យុវជននិងកីឡាខេត្ត ២.បរិវេណវិទ្យាល័យហ៊ុន សែនខ្លាកូន ៣.បរិវេណសាលាបឋមសិក្សាសម្រស់កុមារ ។ និង៤. បរិវេណវិទ្យាល័យសម្តេចឪ ។ទីលានទាំង៤ ស្ថិតនៅដាច់ដោយឡែកពីគ្នា នាសង្កាត់កំពង់ស្វាយក្រុងសិរូសោភ័ណ ។
លោកឈួ ប៊ុនរឿង ប្រធានមន្ទីរអប់រំ យុវជននិងកីឡាខេត្តបន្ទាយមានជ័យអោយដឹងថា វិញ្ញាសាររួមមាន បាល់ទាត់ បាល់ទះ បាល់បោះ អត្តពលកម្ម (រត់ល្បឿន លោតចម្ងាយ លោតកម្ពស់ រត់បណ្តាក់ ។ហើយកីឡាករ /ការីនីសិស្សបឋមសិក្សាមកពី៨លើក៩ស្រុក ក្រុង ។
លោកឈួន ប៊ុនរឿង បានបន្តថា : ជាលទ្ធផលនៃការប្រកួត ជ័យលាភីលេខ១ដល់លេខ៣ ។
ក្នុងរត់ល្បឿន៦០ម៉ែត្រ ផ្នែកកុមារី លេខ១ បានទៅកុមារីមិត្ត វិច្ឆិកា ស្រុកម៉ាឡៃ។លេខ២ ស្រុកអូរជ្រៅនិងលេខ៣ស្រុកមង្គលបុរី ។ផ្នែកកុមារា លេខ១ បានទៅកុមារ សារ៉ាវ បុរី ស្រុកថ្មពួក លេខ២ ស្រុកភ្នំស្រុកនិងលេខ៣ ស្រុកថ្មពួក ។
លោតកម្ពស់ ផ្នែកកុមារី លេខ១ បានទៅកុមារីយ៉ាង ចន្ធូ ស្រុកម៉ាឡៃ លេខ២ ស្រុកអូរជ្រៅនិងលេខ៣ ស្រុកមង្គលបូរី។
ផ្នែកកុមារ លេខ១ បានទៅលើកុមារាស្រឿយ សុផាត់ស្រុកថ្មពួក .លេខ២ ស្រុកម៉ាឡៃនិងលេខ៣ ស្រុកភ្នំស្រុក ។
លោតចម្ងាយ ផ្នែកកុមារី លេខ១ បសានីទៅលើ កុមារីម៉ុច សៀវអឺ ស្រុកម៉ាឡៃ។ លេខ២ ស្រុកថ្មពួក និងលេខ៣ ស្រុកមង្គលបូរី ។
ផ្នែកកុមារា លេខ១ បានទៅលើកុមារារឿន សារ៉ាត ស្រុកមង្គលបូរី លេខ២ ស្រុកថ្មពួក លេខ៣ ស្រុកអួរជ្រៅ។
រត់បណ្តាក់ ផ្នែកកុមារា លេខ១ ចំនួន៤នាក់ បានទៅលើកុមារា ឆោន វណ្ណា ,វីន ចំរ៉ុង ,ម៉ៃ សំប៉ុន និងលី សៀន មកពីស្រុកអូរជ្រៅ ។ លេខ២ ស្រុកមង្គលបូរី លេខ៣ ស្រុកម៉ាឡៃ ។
ផ្នែកកុមារី លេខ១ បាន៤នាក់ ទៅលើកុមារីធី មីនា ,ស្រស់ កក្កដា ,ចិត្ត សុធារ៉ា និងរី រចនា ដែលមកពីស្រុកអូរជ្រៅ ។លេខ២ ស្រុកម៉ាឡៃ លេខ៣ ស្រុកមង្គលបូរី ។
បាល់ទះ ផ្នែកកុមារី លេខ១ បានទៅលើស្រុកមង្គលបូរី លេខ២ ស្រុកម៉ាឡៃនិងលេខ៣ ស្រុកអូរជ្រៅ ។ ផ្នែកកុមារា លេខ១ បានទៅលើ ស្រុកមង្គលបូរី លេខ២ ក្រុងប៉ោយប៉ែតនិងលេខ៣ ស្រុកស្វាយចេក ។
កីឡាបាល់ទាត់ ផ្នែកកូមារី លេខ១ បានទៅលើស្រុកស្វាយចេក លេខ២ ស្រុកម៉ាឡៃ និងលេខ៣ ក្រុងសិរីសោភ័ណ ។ ផ្នែកកុមារា លេខ១ បានទៅលើក្រុងប៉ោយប៉ែត លេខ២ ស្រុកភ្នំស្រុកនិងលេខ៣ ស្រុកស្វាយចេក ។
លោកស្រីរស់ សុផានី អភិបាលរងខេត្តបន្ទាយមានជ័យ តំណាងលោកអុំ រាត្រី.អភិបាលខេត្តមានប្រសាសន៍កោតសរសើរនិងអបអរជាមួយមន្ទីរអប់រំ យុវជននិងកីឡខេត្តបន្ទាយមានជ័យដែលបានរៀបចំនិងចាត់ចែងនូវព្រឹត្តិការណ៍ការប្រកួតការប្រកួតកីឡាសិស្សបឋមសិក្សាជ្រើសរើសជើងឯកថ្នាក់ខេត្តបន្ទាយមានជ័យឆ្នាំ២០២២ ។
លោកស្រីរស់ សុផានី បានបន្តថា: ស្មារតីស្រឡាញ់ រាប់អានគ្នាជាបងប្អូន សាមគ្គីភាពរវាងកីឡាករ/ការិនី រវាងក្រុមនិងក្រុមកាន់តែមា សារ:សំខាន់ថែមទៀតលើពីការឈ្នះ ចាញ ់។
ពិសេស នៅ ពេលនេះ ក្មួយៗ…កំពុងសិក្សាពី បច្ចេកទេសនៃការលេង ក័ដូចជាត្រៀមអបអរសាទរនូវកីឡាស៊ីហ្កេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។
មានការអញ្ជើញចូលរួម៖ លោកវរសេនីយ៍ឯក ធិន សុិនដេន ស្នងការរងផែនការងារ នគរបាលប្រឆាំងគ្រឿងញៀននៃស្នងការដ្ឋាន នគរបាលខេត្តបន្ទាយមានជ័យនិងកងរាជអាវុធហត្ថនិងមានមន្ត្រីពាក់ព័ន្ធជាច្រើនរូបទៀត។
សូមបញ្ជាក់ថា នៅចុងបញ្ចប់មានការប្រគល់ពាន គ្រឿងបន្តោងនិងរង្វាន់ជាទឹកប្រាក់ដល់ជ័យលាភីតាមលំដាប់លេខផងដែរ ៕
