លោក សុខ ពេញវុធ អភិបាលខណ្ឌដូនពេញ អញ្ជើញជាអធិបតីក្នុងពិធីបញ្ចូលសមាជិកថ្មីសង្កាត់ចតុមុខ ចំនួន ៩៤នាក់
(ភ្នំពេញ)៖ នៅថ្ងៃអង្គារ ៥រោច ខែផល្គុន ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២២ ខែមីនា ឆ្នាំ២០២២ វេលាម៉ោង១៧:០០នាទីល្ងាច នៅទីស្នាក់ការគណបក្សប្រជាជនកម្ពុជា ខណ្ឌដូនពេញ បានបន្តប្រារព្ធពិធីប្រកាសបញ្ចូលសមាជិក-សមាជិកា គណបក្សប្រជាជនកម្ពុជា សង្កាត់ចតុមុខថ្មី សរុបចំនួន ៩៤នាក់/ស្រី៤១នាក់ ក្រោមអធិបតីភាព លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានក្រុមការងារចុះជួយសង្កាត់ចតុមុខ និង លោកជំទាវ ម៉ិញ កុសនី រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុប្រធានក្រុមការងារចុះជួយសង្កាត់ចតុមុខ។
ក្នុងពិធីបញ្ចូលសមាជិកថ្មីនៃគណបក្សប្រជាជនកម្ពុជាសង្កាត់ចតុមុខ នេះក៏មានកាចូលរួមពី ឯកឧត្តម លោកជំទាវ ជាក្រុមការចុះជួយខណ្ឌ និងសង្កាត់ចតុមុខ និងសមាជិកបញ្ចូលថ្មី សរុបសរុបចំនួន ១១១ នាក់។
ពិធីនេះបានរៀបចំឡើងដោយអនុវត្តបានយ៉ាងខ្ជាប់ខ្ជួននូវវិធានការសុវត្ថិភាព របស់ក្រសួងសុខាភិបាល រួមមានៈ បាញ់អាល់កុលសម្លាប់មេរោគទីតាំងពិធី, ពិនិត្យកំដៅមុនចូល, ពាក់ម៉ាស់ និង រក្សាគម្លាត ដើម្បីចូលរួមជាមួយរាជរដ្ឋាភិបាលក្នុងការប្រយុទ្ធប្រឆាំងជំងឺកូវីដ.១៩។
ក្រោយបញ្ចប់ពិធី លោកប្រធានគណៈអធិបតី បានប្រគល់ជាថវិកា ដល់សមាជិកថ្មីនៃគណបក្សប្រជាជនកម្ពុជាសង្កាត់ចតុមុខ ចំនួន៩៤នាក់ ក្នុងម្នាក់ៗទទួលបាន ថវិកាចំនួន២០,០០០រៀល៕
