ខេត្តរតនគិរី ៖សមត្ថកិច្ចពាក់ព័ន្ធនៅស្រុកវ៉ឺនសៃស្រុកតាវែងស្រុកអូរជុំបើកដៃឲ្យឈ្មួញឈើឈ្មោះហេងនិងឈ្មោះង៉ែតដឹកឈើប្រណិតតាមរថយន្តឡង់គ្រីសឺពណ៌ខ្មៅស្លាកលេខភ្នំពេញ2A8510ចូលមកក្រុងបានលុងដោយរលូនគ្មានអ្នកបង្ក្រាប។
តាមប្រភពពីពលរដ្ឋឲ្យដឹងថា ឈ្មួញឈើឈ្មោះហេងនិងឈ្មោះង៉ែតបានរកស៊ីហ៊ុនគ្នាទិញឈើស្តុកទុករួចដឹកពីស្រុកវ៉ឺនសៃស្រុកតាវែងយកមកចែកចាយនៅក្រុងបានឡុងដោយរលូនព្រោះសមត្ថកិច្ចនិងអង្គការត្រូវបានគេរត់ការបង់លុយជាប្រចាំរួចហើយ ពួកសមត្ថកិច្ចមិនចាប់ទេ ទោះដឹកតាមម៉ូតូក៏ទ្រូវបង់លុយឲ្យគេដែរ។
ប្រជាពលរដ្ឋរិះគន់ថាដោយឃើញគេប្រព្រឹត្តបទល្មើសគ្មានសមត្ថកិច្ចបង្ក្រាបធ្វើឲ្យចិត្តរបស់ពួកគាត់មានចំណង់ប្រព្រឹត្តបទល្មើសព្រៃឈើតាមពួកឈ្មួញដែរ នេះក៏ព្រោះអ្នកអនុវត្តន៍ច្បាប់ មិនគិតពីការវិនាសព្រៃឈើបាត់បង់សត្វព្រៃដែលពីមុនមកជនជាតិភាគតិចជាច្រើនរស់អាស្រ័យបានដោយចាប់សត្វព្រៃជាអាហារតែពេលនេះអស់ព្រៃគឺអស់សត្វ។អ្នកអនុវត្តន៍ច្បាប់អ្នកមានអំណាចមិនយកអំណាយខ្លួនការពារទ្រព្យសម្បត្តិធម្មជាតិបែរជាការពារពួករកស៊ីបទល្មើសកាប់បំផ្លាញព្រៃឈើទៅវិញតើក្តីសង្ឃឹមរបស់កូនខ្មែរនិងប្រទេសជាតិវានឹងទៅយ៉ាងណា។
ពាក់ព័ន្ធករណីនេះអ្នកយកព័ត៌មានទំនាក់ទំនងទៅ លោក កែប កត់ នាយខណ្ឌរដ្ឋបាលព្រៃឈើ និងលោកថង សាវុន អភិបាលខេត្តខេត្តរតនៈគីរី ទូរស័ព្ទតេមិនចូល ៕
