មន្ត្រីនគរបាលកំពុងមានជម្ងឺប្រចាំកាយ បានទទួលថវិកាចំនួន ៦,១១៩,០០០ រៀល ពីលោក ឧត្តមសេនីយ៍ទោ សិទ្ធិ ឡោះ ស្នងការនិងលោកស្រី!
ខេត្តបន្ទាយមានជ័យ៖នៅរសៀលថ្ងៃព្រហស្បតិ៍ ១កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹង
ថ្ងៃទី០៣ ខែ មីនា ឆ្នាំ០២២ លោកឧត្តមសេនីយ៍ត្រី វង្ស វិត ស្នងការរង ទទួលផែនការ ងារធនធានមនុស្ស និងសហការី បាននាំយកថវិកា ចំនួន ៦,១១៩,០០០ រៀល (ប្រាំមួយលាន មួយរយដប់ប្រាំបួនពាន់រៀលគត់) របស់ លោកឧត្តសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យនិងលោកស្រី ចុះសួរសុខទុក្ខ លោក វរសេនីយ៍ឯក កែវ សុជាតិ នាយរងការិយាល័យបណ្តុះបណ្តាល ដែលមានជម្ងឺប្រចាំកាយសម្រាកព្យាបាលនៅផ្ទះ ស្ថិតនៅក្នុង ភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
ក្នុងឱកាសនោះដែរលោកឧត្តមសេនីយ៍ត្រី វង្ស វិត ក៏បានពាំនាំការផ្តាំផ្ញើសួរសុខទុក្ខពីសំណាក់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត ជូនចំពោះ លោក វរសេនីយ៍ឯក កែវ សុជាតិ ដែលជានិច្ចកាលលោកឧត្តមសេនីយ៍ស្នងការតែងតែយកចិត្តទុកដាក់ ពីជីវភាពនិងសុខទុក្ខរបស់កងកម្លាំងនៅក្រោមឱវាទ ពិសេសគឺកងកម្លាំងដែលមានជម្ងឺកំពុងសម្រាកព្យាបាល និងសូមជូនពរឆាប់ជាសះស្បើយពីរោគា និងមានកម្លាំងពលំ បានប្រកបកិច្ចការងារផ្សេងៗ ។
លោក វរសេនីយ៍ឯក កែវ សុជាតិ ក៏សូមគោរពថ្លែងអំណរអរគុណយ៉ាងជ្រាវជ្រៅទឹកចិត្ត មិនអាចកាត់ថ្លៃបាននូវការយកចិត្តមកលើក្រុមគ្រួសារលោក ក៏ដូចជាមន្ត្រីផ្សេងៗទៀត សូមគោរពជូនពរ ពុទ្ធពរ ៤ ប្រការ គឺ អាយុវណ្ណៈ សុខៈ ពៈលៈ កុំបីឃ្លៀងឃ្លាតឡើយ៕
ដោយ៖លោកចាន់ពុធ
