ព្រះវិហារ៖នៅទីបញ្ជាការដ្ឋានកងរាជអាវុធហត្ថខេត្តព្រះវិហារនៅថ្ងៃទី២៥ ខែកុម្ភៈ ឆ្នាំ២០២២នេះ បានត្រួតពិនិត្យការងារអនុវត្តតួនាទីភារកិច្ច និងវឌ្ឍនភាពការងារ កងរាជអាវុធហត្ថ ខែកុម្ភៈ និងទិសដៅការងារខែមីនា ឆ្នាំ២០២២។ពិធីនេះក្រោមវត្តមានលោកឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ។

លោកឧត្តមសេនីយ៍ត្រី កង សៅគុណ បានថ្លែងការកោតសរសើរ និងវាយតម្លៃខ្ពស់ចំពោះលទ្ធផលដែលបានមកពីការខិតខំប្រឹងប្រែងយកអស់ស្មារតីទទួលខុសត្រូវ របស់នាយទាហាន នាយទាហានរង នៃកងរាជអាវុធហត្ថខេត្តទាំងអស់។
លោកឧត្តមសេនីយ៍ត្រី កង សៅគុណ បានធ្វើការផ្តាំផ្ញើដល់កម្លាំងកងរាជអាវុធហត្ថខេត្តព្រះវិហារទាំងអស់ ត្រូវតែអនុវត្តនូវការងារជំនាញ ការងាររដ្ឋបាលទូទៅ ការងារបង្ការ ត្រូវចូលរួមសហការណ៍ជាមួយគណៈបញ្ជាការឯកភាពរដ្ឋបាលក្រុង ស្រុក។
វិធានការផ្ទៃក្នុងកងរាជអាវុធហត្ថ ៩ចំណុច និងរូបមន្តគ្រប់គ្រងបុគ្គលិក ដែលមេបញ្ជាការអង្គភាព ឬប្រធានស្ថាប័ននីមួយៗ ត្រូវមាន ៧ចំណុច៖ ហូប ស្លៀកពាក់ ស្នាក់នៅ ការថែទាំសុខភាព អប់រំរៀនសូត្រ មធ្យោបាយធ្វើដំណើរកំសាន្តសប្បាយ។

ដោះស្រាយទុក្ខលំបាក និងបន្តអនុវត្តឱ្យបានខ្ជាប់ខ្ជួននូវវិធានការរបស់ក្រសួងសុខាភិបាល និងវិធានការ “៣កុំ ៣ការពារ” របស់ប្រមុខរាជរដ្ឋាភិបាល ដើម្បីថែរក្សាការពារសុខភាពខ្លួនយើង គ្រួសារយើង និងសង្គមជាតិយើងទាំងមូល៕