លោកវរសេនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធហត្ថក្រុងប៉ោយប៉ែត ដឹកនាំកម្លាំងចុះបង្រ្កាបនឹងឃាត់ខ្លួន ជនសង្ស័យម្នាក់ពាក់ព័ន្ធករណីរក្សាទុកនិងប្រើប្រាស់គ្រឿងញៀននៅក្រុងប៉ោយប៉ែត!!
ខេត្តបន្ទាយមានជ័យ ៖ដោយមានការយកទុកដាក់ អនុវត្តន៍ តាម បទបញ្ជា របស់ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ពាក់ព័ន្ធនិងបទល្មើសផ្សេងៗ បញ្ហាគ្រឿងញៀន នៅវេលាម៉ោង២៣នឹង៣០នាទី ថ្ងៃពុធ ៧ រោច ខែមាឃ ឆ្នាំឆ្លូវត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែកុម្ភៈ ឆ្នាំ២០២២ នេះ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឱ្យដឹងថា កម្លាំង ការិយាល័យជំនាញ ប្រឆាំងគ្រឿង បានបញ្ជូន ខ្លួន ជនសង្ស័យម្នាក់ពាក់ព័ន្ធករណីរក្សាទុក និងប្រើប្រាស់គ្រឿងញៀន បញ្ជូនទៅសាលាដំបូងខេត្តបន្ទាយមានជ័យ ។
សូមបញ្ជាក់ថា៖ មុនពេលបង្ក្រាបករណីខាងលើនេះ កាលថ្ងៃទី២១ ខែកុម្ភ: ឆ្នាំ២០២២ ក្រោយពីទទួលបានព័ត៌មានពី សន្តិសុខយាម នៅចំណុចផ្សារទឹកពុះ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ត្រី នួន នីណារ៉ូមេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានដឹកនាំកម្លាំង ចុះដល់់ចំណុចកើតហេតុ ហើយធ្វើការឃាត់ខ្លួនបានជនសង្ស័យម្នាក់ឈ្មោះ ថាត់ សាណៃ ធានហេង ភេទប្រុស អាយុ២៦ឆ្នាំ ជាជនជាតិថៃ ព្រមទាំងដកហូតវត្ថុតាងរួមមាន គ្រឿងញៀនម៉្សៅក្រាមពណ៌សថ្លាចំនួន០១កូនថង់កិប ស្មើនឹងទម្ងន់៣,៤៧ក្រាម និងគ្រឿងញៀនម៉្សៅម៉៉ត់ពណ៌ស ចំនួន០២កូនថង់កិប ស្មើនឹងទម្ងន់់១,៩៨ក្រាម ហើយបញ្ជូនមកមូលដ្ឋានកងរាជអាវុធហត្ថក្រុងដើម្បីសួរនាំ ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឲ្យដឹងថា ជនសង្ស័យ ជាជនជាតិថៃ ក្រោយពីកម្លាំងជំនាញសួរនាំរួចបាន ឆ្លើយសារភាពថា រូបគេពិតជាបានទិញគ្រឿងញៀនខាងលើនេះ មករក្សាទុកសម្រាប់ប្រើប្រាស់ខ្លួនឯងពិតប្រាកដមែន ។ ដោយផ្អែកលើវត្ថុតាង និងស្ដាប់ចម្លើយរបស់ជនសង្ស័យផងនោះ ទើបកម្លាំងជំនាញគ្រឿងញៀនមូលដ្ឋានកងរាជអាវុធហត្ថក្រុងប៉ោយប៉ែតកសាងសំណុំរឿងបញ្ជូនមកទីបញ្ជាការដ្ឋានកងរាជអាវុធហត្ថខេត្តចាត់ការបន្ត ។
សូមបញ្ជាក់ទៀតថា៖ លោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្តបន្ទាយមានជ័យ ទទួលការងារប្រឆាំងគ្រឿងញៀន បានប្រាប់ឲ្យដឹងថា ការបង្ក្រាបជនសង្ស័យខាងលើនេះ លោកបានរាយការណ៍ជូនលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ និងមានការសម្របសម្រួលនីតិវិធីពី ឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្តបន្ទាយមានជ័យផងដែរ ។
បច្ចុប្បន្ន ជនសង្ស័យ រួមនឹងវត្ថុតាងត្រូវបានកម្លាំងការិយាល័យប្រឆាំងគ្រឿងញៀនកងរាជអាវុធហត្ថខេត្តបន្ទាយមានជ័យបញ្ជូនទៅសាលាដំបូងខេត្តបន្ទាយមានជ័យហើយ ៕
