ភ្នំពេញ ៖ ឯកឧត្តម ណុប ចាន់ណារិន្ទ រដ្ឋលេខាធិការក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ត្រូវបានថ្នាក់ដឹកនាំក្រសួង ចេញសេចក្តីសម្រេច ប្រគល់ភារកិច្ច ជាប្រធានក្រុមការងារ សម្រង់ព័ត៌មាន និងខ្លឹមសារអនុសាសន៍សំខាន់ៗ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា ដែលបានដាក់ឲ្យស្ថាប័នថ្នាក់ជាតិ ថ្នាក់ក្រោមជាតិ គ្រឹស្ថានសាធារណៈ និងវិស័យឯកជន ដើម្បីអនុវត្តន៍។
នេះបើយោងតាមសេចក្តីសម្រេច ដែលចុះហត្ថលេខា កាលពីថ្ងៃទី១៣ ខែវិច្ឆិកា ឆ្នាំ២០២០កន្លងទៅ ដោយលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំនាក់ទំនងជាមួយដ្ឋសភា-ព្រឹទ្ធសភា និងអធិការកិច្ច ។
សូមបញ្ជាក់ថា បច្ចុប្បន្ន ឯកឧត្តម ណុប ចាន់ណារិន្ទ ទទួលភារកិច្ចជាអ្នកនាំពាក្យ និងទទួលការងារជួយរដ្ឋមន្ត្រី លើកិច្ចការតាមដានការអនុវត្តច្បាប់ នៃក្រសួង ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ៕
