កណ្តាល ៖ កាលពីព្រឹកថ្ងៃទី៥ ខែមិនា ឆ្នាំ២០១៦ នៅសាលាខេត្តកណ្តាលដោយមានការរៀបចំឡើង ដោយអាជ្ញារធរខេត្តកណ្តាល និងមន្ត្រីរាជកាគ្រប់មន្ទីរពាក់ព័ន្ធ សរុប ចំនួន ២០០០ នាក់ អញ្ជើញចូលរួម ។
នៅឱកាសនេះលោកជុំទាវ ឃុន សុខដាវី បានមានប្រសាសន៍ថាទិវានារីអន្តរជាតិ ឆ្នាំនេះគឺ “វិនិយោគលើសមភាពយេឌ័រ ដើម្បីកិច្ចអភិវឌ្ឍ ប្រកបដោយចីរភាព” សមភាពយេឌ័រគឺជា គោលការណ៍គ្រឹះ ដ៏សំខាន់មួយ មាននៅក្នុងរាល់ បទដ្ឋានគតិយុទ្ធ ពាក់ព័ន្ធនឹងសិទ្ធិ មនុស្សជាមូលដ្ឋាន។ គោលបំណងនៃ សមភាពយេឌ័រ គឺធ្វើយ៉ាងណាឲ្យស្ត្រី មានសិទ្ធិស្មើរគ្នា នឹងបុរស ដូចជា សិទ្ធិទទួលបានការងារធ្វើ សិទ្ធិក្នុងការសម្រេចចិត្តនានា និងធានាថាស្ត្រីមាន សិទ្ធិរួមចំណែក ក្នុងការអភិវឌ្ឍសង្គមជាតិ លុបបំបាត់រាល់អំពើ ហិង្សាក្នុងគ្រួសារ ការរើសអើង និងផ្នត់គំនិតចាស់គំរិល ដែលមានមកលើស្ត្រី “។
លោកជំទាវក៏បានបន្ថែមទៀតថា ដើម្បីសម្រេចបាន នូវគោលដៅនេះ កិច្ចអភិវឌ្ឍនានា ត្រូវបានផ្ដល់ នៅលទ្ធផល ដូចជា ការលុបបំបាត់ភាព ក្រីក្រ ពង្រីកពង្រឹងកំណើនសេដ្ឋកិច្ច ការការពារបរិស្ថាន សន្តិភាព និងយុត្តិធម៌សង្គម សម្រាប់ទាំងអស់គ្នា។
ចំណែកស្ត្រីបានដើរតួរយ៉ាងសំខាន់ក្នុងការចូលរួមនៅក្នុងសង្គមក៏ជាកម្លាំងចលករមួយដ៏សំខាន់រួមចំណែកជាមួយដើម្បីលើកស្ទួយវិជ្ជីវៈ និងអាចធ្វើជាប្រធានក្រុមហ៊ុន បម្រើរការងារក្នុងសង្គមជាតិ
ដើម្បីពង្រឹងយុត្តិធម៌ សង្គម និងនីតិរដ្ឋនៅកម្ពុជា ។
សូមបញ្ជាក់ថា នេះជាជាក់ស្ដែងពីភាពវិជ្ជមាន ដែលគួរឲ្យគត់សម្គាល់ជានិច្ចចំពោះការចូលរួមរបស់ស្ត្រី ដែលមានសមត្ថភាព និងឆន្ទៈពិតប្រាកដ នៅក្នុងការអនុវត្តវិជ្ជាជីវៈស្ត្រីនិងការជួយទាំងក្នុងគ្រួសារនិងផ្នែកក្រៅគ្រួសារនិងវិស័យច្បាប់រាជរដ្ឋាភិបាលកម្ពុជា ក៏បានផ្ដល់ឱកាសនិងលើកទឹកចិត្តឲ្យស្ត្រី ចូលរួមលើគ្រប់វិស័យដូចជាសេដ្ឋកិច្ច វប្បធម៌ នយោបាយ ពាណិជ្ជកម្ម ឧស្សាហកម្ម កសិកម្ម និងទេសចរណ៍ ដើម្បីរួមចំណែកដល់ប្រទេសកម្ពុជាច្ពោះទៅរកការអភិវឌ្ឍន៍ប្រកបដោយចីរភាព។
នៅទីបញ្ចប់ លោកជំទាវ ឃួន សុខដាវី បានចែអំណោយដល់ស្ត្រីដែលចូលរួមមួយនាក់សារ៉ុង១ថវិកា៥០០០០៛ ៕
