ស្វាយរៀង÷ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្ស ក្នុងពេលដឹកនាំកិច្ចប្រជុំបូកសរុបលទ្ធផការងាររបស់ក្រុមការងារគណបក្សចុះជួយខេត្តស្វាយរៀង ប្រចាំឆ្នាំ២០២៤ និងលើកទិសដៅអនុវត្តបន្តឆ្នាំ២០២៥ បានស្នើដល់ក្រុមការងារគណបក្ស និងគណបក្សមូលដ្ឋាន រួមថែរក្សាការពារសន្តិភាព ដើម្បីរួមចំណែជម្រុញល្បឿននៃការអភិវឌ្ឍន៍ជាតិ ដែលពិធីនេះបានប្រារព្ធធ្វើឡើង នៅស្នាក់ការគណបក្សប្រជាជនកម្ពុជាខេត្តនៅរសៀលថ្ងៃទី ១៩ ខែមករាឆ្នាំ២០២៥ ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី មន្ត្រីក្រុមការងាថ្នាក់កណ្ដាល ថ្នាក់ខេត្ត ស្រុក ក្រុង ឃុំ សង្កាត់ប្រមាណជិត៧០០នាក់ផងដែរ ។
សម្តេចកិត្តិសង្គហបណ្ឌិត បានថ្លែងនូវការកោតសសើរចំពោះក្រុមការងារគណៈកម្មាធិការកណ្តាលចុះជួយខេត្ត គណបក្សខេត្ត ក្រុង ស្រុក និងឃុំ សង្កាត់ទាំងអស់ ដែលក្នុងរយះពេល១ឆ្នាំ២០២៤កន្លងទៅនេះបានពុះពារ ឆ្លើយតប សម្រេចបានតម្រូវការផ្សេងៗរបស់មូលដ្ឋាន និងខិតខំសម្រេច បាននូវសមិទ្ធិផលជាច្រើនដែលបាននឹងកំពុងរីកដុះដាលនៅទូទាំងខេត្តស្វាយរៀងយើង។
សម្តេចកិត្តិសង្គហបណ្ឌិត បានផ្តល់នូវការណែនាំដល់ក្រុមការងារគណបក្ស និងគណបក្ស មូលដ្ឋានគ្រប់លំដាប់ថ្នាក់ ត្រូវរួមដៃគ្នា និងប្រមូលកម្លាំង ឲ្យក្លាយជាកម្លាំងសរុប និងជាអង្គ តែមួយ ហើយរួមគ្នាគិត រួមគ្នាធ្វើ និងរួមគ្នាទទួលខុសត្រូវ ក្នុងទិសដៅរួមគ្នា ដើម្បីបម្រើពលរដ្ឋ, ដោះស្រាយបញ្ហាផ្សេងៗជូនពលរដ្ឋ និងជំរុញការអភិវឌ្ឍសង្គមសេដ្ឋកិច្ច ពិសេសការលើកកម្ពស់ជីវភាពរស់នៅប្រចាំថ្ងៃរបស់ពលរដ្ឋឲ្យកាន់តែធូរធារ ដើម្បីចូលរួមចំណែកក្នុងការជម្រុញល្បឿននៃការអភិវឌ្ឍន៍ និងសំដៅដណ្តើម ការគាំទ្រពីពលរដ្ឋនិងធ្វើឲ្យខេត្តស្វាយរៀង ក្លាយជាមូលដ្ឋានគាំទ្រដ៏រឹងមាំរបស់គណបក្ស។
សម្តេចកិត្តិសង្គហបណ្ឌិត ផ្តាំផ្ញើដល់មន្ត្រីគណបក្ស បន្តធ្វើអំពើល្អ និងត្រូវបន្តខិតខំ បម្រើពលរដ្ឋ ជាពិសេស ការផ្តល់សេវាសាធារណៈផ្សេងៗ យកចិត្តទុកដាក់ ដោះស្រាយភាពអសកម្ម លើកតម្តើងជីវភាពរបស់ពលរដ្ឋ រួមទាំងការអនុវត្ត គោលនយោបាយភូមិឃុំមានសុវត្ថិភាព ពិសេសការទប់ស្កាត់ និងបង្ក្រាបអំពើឆបោក និង ទំនាស់ដីធ្លី ពាក់ព័ន្ធនឹងដី កសិកម្ម ដីសម្បទានសេដ្ឋកិច្ច ៕
