(កំពង់ឆ្នាំង)÷ នៅថ្ងៃសុក្រ ១២កើត ខែបុស្ស ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមករា ឆ្នាំ២០២៥ សកម្មភាពការងាររបស់ខណ្ឌរដ្ឋបាលជលផលកំពង់ឆ្នាំងរួមមាន៖
+ក្រុមទី១៖ក្រុមការងាររួមមានខណ្ឌរដ្ឋបាលជលផលកំពង់ឆ្នាំង ផ្នែករដ្ឋបាលជលផលផ្សារឆ្នាំង សង្កាត់រដ្ឋបាលជលផលកំពង់លែង សង្កាត់រដ្ឋបាលជលផលចុងកោះ ដឹកនាំដោយលោក លី ឡា នាយខណ្ឌរដ្ឋបាលជលផលកំលាំងចូលរួម ១២នាក់ និងមធ្យោបាយទូកបាឡាស្មាច់០៣គ្រឿង បានចុះប្រតិបត្តិការប្រទះឃើញសម្រាស់នៅចំណុចត្អួរលំភូមិត្អួរលំ ឃុំកំពង់ហៅ ស្រុកកំពង់លែង និងចំណុចភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
+ក្រុមទី២៖ ផ្នែករដ្ឋបាលបាលជលផលកំពង់ប្រាសាទ សង្កាត់រដ្ឋបាលជលផលកំពង់ត្រឡាច សង្កាត់រដ្ឋបាលជលផលរលាប្អៀរ បានចុះបង្ក្រាបបទល្មើសជលផល ស្ថិតនៅក្នុងភូមិសាស្ត្រតតាមដងទន្លេ ប្រទះឃើញការធ្វើនេសាទដោយប្រើដោយឧបករណ៍ដាយ នៅតាមមាត់ទន្លក្នុងភូមិកំពង់ក្តា ឃុំកំពង់ត្រឡាច ខេត្តកំពង់ឆ្នាំង។
*បន្ទាប់មកសម្ថកិច្ចយើងបានឯកភាពគ្នាធ្វើការរុះរើនិងបំផ្លាញចោលឧបករណ៍នេសាទខុសច្បាប់នៅហ្នឹងកន្លែង
លទ្ធផលទទួលបានចំនួន ០៣ករណី ដូចខាងក្រោម៖
-ដាយចាប់ត្រីចំនួន០១ ករណី ទំហំ (៥ម× ៣ម×១០មx០,០៤ម×០,០២៥ម) ចំនួន ០២ មាត់ បង្គោលចំនួន ០៤ ដើម ពីដុង ចំនួន១០ ពីដុង ខ្សែលីឡុងចំនួន១០០ ម៉ែត្រ
និងចាក់លែងត្រីចំរុះចូលដែននេសាទវិញ ចំនួន២០ គីឡូក្រាម។
-របាំងស្បៃមុងចំនួន ០១ករណី ស្មើនឹង ០៣ កន្លែង ប្រវែង៨០ម៉ែត្រ លូស្បៃមុងចំនួន០៣ គ្រឿង បង្គោលចំនួន ៧០ដើម និងចាក់ត្រីចំរុះចូលដែននេសាទវិញចំនួន២០គីឡូក្រាម។
-សម្រាស់ចំនួន០១ករណី ស្មើនឹង ១៧កន្លែងទំហំប្រមាណ ៣៥០០ ម៉ែត្រការ៉េ មែកសម្រាស់ចំនួន ៥៩០ មែក បង្គោលចំនួន ១១០ដេីម និងខ្សែចំណងប្រវែង ៩៥០ម៉ែត្រ។
សូម ឯកឧត្ដមមេត្តាជ្រាបជារបាយ ការណ៍។
