ខេត្តកំពង់ឆ្នាំង ៖ នាថ្ងៃព្រហស្បតិ៍ ១១កើត ខែបុស្ស ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី០៩ ខែមករា ឆ្នាំ២០២៥ ខណ្ឌរដ្ឋបាលជលផលកំពង់ឆ្នាំងបានបន្តសកម្មភាពចុះល្បាត និងបង្ក្រាបបទល្មើសនេសាទ ដោយបានបែកចែកក្រុមការងារជាបីក្រុម រួមមាន ៖
+ក្រុមទី១៖ផ្នែករដ្ឋបាលបាលជលផលកំពង់ប្រាសាទ សង្កាត់រដ្ឋបាលជលផលកំពង់ត្រឡាច កម្លាំងសរុបចំនួន ០៨នាក់ និងមធ្យោបាយបាឡាស្មាច់ចំនួន០២គ្រឿង បានចុះបង្ក្រាបបទល្មើសជលផល ប្រទះឃើញការធ្វើនេសាទដោយប្រើដោយឧបករណ៍ដាយ នៅតាមមាត់ទន្លេ ស្ថិតនៅក្នុងភូមិសាស្ត្រតាមដងទន្លេកំពង់ក្តា ភូមិកំពង់ក្តា ឃុំ កំពង់ត្រឡាច ស្រុកកំពង់ត្រឡាច ខេត្ត កំពង់ឆ្នាំង។
+ក្រុមទី២៖សង្កាត់រដ្ឋបាលជលផលជលគិរី កម្លាំងសរុបចំនួន ០៣ នាក់ និងមធ្យោបាយបាឡាស្មាច់ ០១គ្រឿង បានចុះប្រតិបត្តិការប្រទះឃើញដុំសម្រាស់នៅចំណុចព្រែកសេះ ភូមិពាមឆ្កោក ឃុំពាមឆ្កោក ស្រុកជលគិរី ខេត្តកំពង់ឆ្នាំង ។
+ក្រុមទី៣៖សង្កាត់រដ្ឋបាលជលផលបរិបូណ៌ បានសហការជាមួយនគរបាលប៉ុស្តិ៍រដ្ឋបាលឃុំ ខុនរ៉ង និងប្រជាការពារភូមិកំពង់អួរ កម្លាំងសរុបចំនួន ៥នាក់ និងមធ្យោបាយបាឡាចំនួន ០១ គ្រឿង បានចុះប្រតិបត្តិការប្រទះឃើញឧបករណ៍របាំងរាំងភ្ជឹតព្រែក សមត្តកិច្ចបានឯកភាពគ្នាដកហូតយកសាច់ជនយកមករក្សាទុក្ខនៅសង្កាត់បរិបូរណ៍ បានចំនួន ០២ មាត់ និង រុះរេីបំផ្លាញចោលនៅហ្នឹងកន្លែង របាំងស្បៃមុងភ្ជឹតព្រែក នៅចំណុចមុខភូមិកំពង់អ៊ួរ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង។
ពាក់ព័ន្ធនឹងឧបករណ៍នេសាទល្មើសច្បាប់ សមត្ថកិច្ច បានឯកភាពគ្នាធ្វើការរុះរើនិងបំផ្លាញចោលឧបករណ៍នេសាទខុសច្បាប់នៅហ្នឹងកន្លែង លទ្ធផលសម្រេចបាន ចំនួន ៣ ករណី ដូចខាងក្រោម៖
-របាំងផ្ជិតព្រែកចំនួន០១ករណី ស្មើនឹង ៣ កន្លែង ប្រវែង១៥០ម៉ែត្រ លបលូ ៣គ្រឿង បង្គោល ៧០ ដើម និងចាក់លែងត្រីចំរុះចូលដែននេសាទវិញចំនួន ២០គីឡូក្រាម។
-សម្រាស់ចំនួន០១ករណី ស្មើនឹង ០៣កន្លែង ទំហំប្រមាណ ១៨០០ម៉ែត្រការ៉េ មែកសម្រាស់ចំនួន៨០មែក បង្គោលចំនួន ២១ដើម ខ្សែចំណង ១២០ម៉ែត្រ។
-ដាយចំនួន០១ករណី ទំហំ (៥ម×៣ម×១០ ម x០,០៤ម ×០,០២៥ម) ចំនួន ០៦មាត់បង្គោលចំនួន១២ដើម ពីដុងចំនួន ៣០ពីដុង ខ្សែលីឡុងចំនួន៣០០ម៉ែត្រ និងចាក់លែងត្រីចំរុះចូលដែននេសាទវិញចំនួន៥០ គីឡូ ក្រាម៕
